ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବନଖଣ୍ଡ ମଣଦା ରେଞ୍ଜ ଅନ୍ତର୍ଗତ ଲୁହାବାଳିଆ, ଜାମିରଡିହା ଓ ଜୁଡିଆ ଗ୍ରାମରେ ଆଜି ହାତୀ ଉପଦ୍ରବ ଦେଖିବାକୁ ମିଳିଛି । ବାଙ୍ଗିରିପୋଷି ରେଞ୍ଜ ଅଧିନସ୍ଥ ଜଙ୍ଗଲରୁ ଉକ୍ତ ୧୧ ଟିକିଆ ହାତୀପଲ ଆସି ବ୍ୟାପକ ଧାନଫସଲ ଖାଇ ଦଳି ଚକଟି ନଷ୍ଟ କରିବା ସହ ଜୁଡିଆ ଗ୍ରାମ ଦେଇ ଜାମିରଡିହା ଗ୍ରାମକୁ ପହଞ୍ଚିଥିଲେ ।
ରାଇରଙ୍ଗପୁର ବନଖଣ୍ଡ ଅଞ୍ଚଳରେ ୧୧ ଟିକିଆ ହାତୀପଲଙ୍କ ଉପଦ୍ରବ
ତେବେ ଶିମିଳିପାଳ ଜଙ୍ଗଲ ମଧ୍ୟକୁ ପ୍ରବେଶ କରିନପାରି ଦିନବେଳେ ଲୁହାବାଳିଆ ଗ୍ରାମ ନିକଟରେ ଥିବା ବେଳେ ଏବେ କାଦୁଆଣୀ ଗ୍ରାମ ନିକଟସ୍ଥ ଏକ ଜଙ୍ଗଲରେ ଆଶ୍ରୟ ନେଇଥିବା ବନବିଭାଗ ପକ୍ଷରୁ ସୂଚନା ମିଳିଛି । ସେପଟେ ସ୍ଥାନୀୟ ଲୋକେ ହାତୀପଲକୁ ନେଇ ଆତଙ୍କିତ ଥିବାବେଳେ ବନବିଭାଗ ହାତୀପଲକୁ ଘଉଡ଼ାଇବାକୁ ଚେଷ୍ଟା ଜାରି ରଖିଛି।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
