ମାଲକାନଗିରି: ଜିଲ୍ଲାରେ ବିଏସଏଫ ଏବଂ ପୋଲିସର ମିଳିତ କୁମ୍ବିଂ ଅପରେସନ । ଲ୍ୟାଣ୍ଡମାଇନ ନିଷ୍କ୍ରିୟ ସାଙ୍ଗକୁ ୪ଟି ବ୍ୟାଗ ଗିଲୋଟିନ ଜବତ କଲେ ସୁରକ୍ଷାକର୍ମୀ । ମାଲକାନଗିରି ଜିଲ୍ଲା ଅନ୍ତର୍ଗତ ଭେଜେଙ୍ଗବାଡା ରିଜର୍ଭ ଫରେଷ୍ଟ ଅଞ୍ଚଳରେ କୁମ୍ବିଂ ଅପରେସନ ହୋଇଥିବା ସୂଚନା ।
ଭେଜେଙ୍ଗବାଡା ରିଜର୍ଭ ଫରେଷ୍ଟରେ କୁମ୍ବିଂ ଅପରେସନ, ଲ୍ୟାଣ୍ଡମାଇନ ନିଷ୍କ୍ରିୟ କଲେ ସୁରକ୍ଷାକର୍ମୀ
ବଡିଗେଟା ଏବଂ ଏମପିଭି-୨୧ ଅଞ୍ଚଳରେ ବିଏସଏଫ ଲୋକଙ୍କୁ ସୁରକ୍ଷା ଦେବା ପାଇଁ ଦିନରାତି କୁମ୍ବିଂ କରୁଛନ୍ତି । ଯବାନଙ୍କୁ ଦୁର୍ବଳ କରିବା ପାଇଁ ନକ୍ସଲ ବିଭିନ୍ନ ପ୍ରକାର ଯୋଜନା ପ୍ରସ୍ତୁତ କରୁଥିବାବେଳେ ଲୋକଙ୍କ ସମର୍ଥନ ଜୁଟାଇବାକୁ ଚେଷ୍ଟା କରୁଛନ୍ତି । ନକ୍ସଲ ଏହି ଲ୍ୟାଣ୍ଡମାଇନକୁ ସୁରକ୍ଷାକର୍ମୀଙ୍କୁ ଟାର୍ଗେଟ କରିବା ପାଇଁ ଲଗାଇଥିବା ସନ୍ଦେହ କରାଯାଉଛି । ମାତ୍ର ଯବାନଙ୍କ ଉପସ୍ଥିତି ବୁଦ୍ଧି ଯୋଗୁଁ ଏହି ଲ୍ୟାଣ୍ଡମାଇନକୁ ଠାବ କରାଯାଇପାରିଛି । ସ୍ଥାନୀୟ ଅଞ୍ଚଳରେ ସର୍ଚ୍ଚ ଅପରେସନ ଜାରି ରଖିଛନ୍ତି ସୁରକ୍ଷାକର୍ମୀ ।
ଇଟିଭି ଭାରତ, ମାଲକାନଗିରି
