ମାଲକାନଗିରି: ଚିତ୍ରକୋଣ୍ଡା ବିଚ୍ଛିନ୍ନାଞ୍ଚଳରେ ପୁଣି ବସାବାନ୍ଧିଛି ପ୍ରଜା ମେଳି । ଜିଲ୍ଲାର ଖଜୁରିଗୁଡା, ଅଙ୍ଗୁରିଗୁଡା, ଅମଳାବେଡା ଓ ମୁଦୁଲିଗୁଡା ଗାଁକୁ ନାକାମାମୁଡି ପଞ୍ଚାୟତରୁ ବାଦ ଦେଇ ମୁଦୁଲିଗୁଡାକୁ ନୂଆ ପଞ୍ଚାୟତ ଗଠନ କରିବାକୁ ପ୍ରଜାମେଳିରେ ଦାବି ଜଣାଇଛନ୍ତି ଆଦିବାସୀ ।
ଏହି ସବୁ ଗାଁରୁ ନାକାମାମୁଡି ପଞ୍ଚାୟତକୁ ଯିବା ଲାଗି ବାଲିମେଳା ଜଳ ଭଣ୍ଡାରରେ 30 ରୁ 40 କିଲୋମିଟର ପାଣିରେ ଯିବାକୁ ପଡୁଛି । ତେଣୁ ପଞ୍ଚାୟତକୁ ଯିବା ଲାଗି ଦୀର୍ଘ ସମୟ ଲାଗୁଛି । ଲୋକଙ୍କ ପାଖରେ ସରକାରଙ୍କ ସମସ୍ତ ସୁବିଧା ସୁଯୋଗ ପହଞ୍ଚାଇବା ପାଇଁ ଏକ ନୂତନ ପଞ୍ଚାୟତ ଲାଗି ଦାବି କରିଛନ୍ତି ସ୍ଥାନୀୟ ବାସିନ୍ଦା ।
ଚିତ୍ରକୋଣ୍ଡାରେ ପୁଣି ପ୍ରଜାମେଳି
ପୂର୍ବରୁ ଏ ନେଇ ଅନେକ ଥର ସ୍ଥାନୀୟ ବିଡ଼ିଓଙ୍କ ଠାରୁ ଆରମ୍ଭ କରି ଜିଲ୍ଲାପାଳଙ୍କ ପର୍ଯ୍ୟନ୍ତ ସମସ୍ତ ଅଧିକାରୀଙ୍କୁ ନିଜ ସମସ୍ୟା ବିଷୟରେ ଅବଗତ କରିଛନ୍ତି । କିନ୍ତୁ କୌଣସି ସମାଧାନ ନହେବାରୁ ଆଜି ସମସ୍ତ ଏକଜୁଟ ହୋଇ ପ୍ରଜା ମେଳି କରିଛନ୍ତି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
