ମାଲକାନଗିରି: ସୀମାନ୍ତ ତେଲେଙ୍ଗାନା ଚେରଲା ମଣ୍ଡଳରେ ମାଓବାଦୀ ଓ ପୋଲିସ ମଧ୍ୟରେ ଗୁଳିବିନିମୟ । 2 ନକ୍ସଲ ନିହତ । ଗୋଟିଏ ଏସବିବିଏଲ ଓ ପିସ୍ତଲ ଜବତ ।
ସୂଚନା ଅନୁସାରେ, ଚେରଲା ମଣ୍ଡଳର ଭାଡିପେଟା ଓ ପୁସୁଗୁପା ଅଞ୍ଚଳରେ ମାଓବାଦୀମାନେ କ୍ୟାମ୍ପ କରିଥିବା ପୋଲିସ ଖବର ପାଇଥିଲା । ଏମାନେ ପୋଲିସ ଓ ସାଧାରଣ ଲୋକଙ୍କ ଉପରେ ଆକ୍ରମଣ କରିବାର ଯୋଜନା କରୁଥିବା ଜାଣି ପୋଲିସ ଚଢାଉ କରିଥିଲା ।
ଏହି ସମୟରେ ମାଓବାଦୀ ଓ ପୋଲିସ ମଧ୍ୟରେ ଗୁଳିବିନିମୟ ହୋଇଥିଲା । ପାଖାପାଖି 20 ମିନିଟ୍ର ଗୁଳିବିନିମୟ ପରେ କିଛି ନକ୍ସଲ ଖସି ଯିବାକୁ ସକ୍ଷମ ହୋଇଥିଲେ । ରାତିରେ ଏହି ଅପରେସନ ହୋଇଥିବାରୁ ଅନ୍ଧାରରେ ସେମାନେ ଖସିଯାଇଥିଲେ । ତେବେ ଗୁଳିବିନିମୟରେ ଦୁଇ ନକ୍ସଲ ନିହତ ହୋଇଥିବା ଜଣାପଡିଛି ।
ଦୁହିଁଙ୍କ ମୃତଦେହ ଏସପିଙ୍କ କାର୍ଯ୍ୟାଳୟରେ ରଖାଯାଇଥିବାବେଳେ ଚିହ୍ନଟ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଜଣାପଡିଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
