ମାଲକାନଗିରି: ଅଭିନବ ଉପାୟରେ ଗଞ୍ଜେଇ ଚୋରାଚାଲାଣ । ଏକ କୋଇଲା ବୋଝେଇ ଟ୍ରକରୁ ଆନୁମାନିକ ମୂଲ୍ୟ 3 କୋଟି ଟଙ୍କାର ଗଞ୍ଜେଇ ଜବତ ସହ ୩ ଜଣଙ୍କୁ ଗିରଫ କଲା ଓରକେଲ ଥାନା ପୋଲିସ । ଗତକାଲି ରାତିରେ ଓରକେଲ ପୋଲିସ୍ ପକ୍ଷରୁ ପେଟ୍ରୋଲିଂ ବେଳେ ଏହି ସବୁ ଗଞ୍ଜେଇ ଜବତ ହୋଇଛି । ତେବେ ପେଟ୍ରୋଲିଂ ସମୟରେ ଏକ ୧୪ ଚକିଆ ଟ୍ରକ ଦ୍ରୁତ ଗତିରେ ଯାଉଥିବା ବେଳେ ପୋଲିସ ସନ୍ଦେହ କରି ଟ୍ରକଟିକୁ ଅଟକାଇ ଯାଞ୍ଚ କରିଥିଲା ।
କୋଇଲା ବୋଝେଇ ଟ୍ରକରେ 3 କୋଟି ମୂଲ୍ୟର ଗଞ୍ଜେଇ ନେଇ ଖସୁଥିଲେ, 3 ଜଣଙ୍କୁ କାବୁ କଲା ପୋଲିସ
ଏହା ପରେ ଟ୍ରକରୁ ୩୦ ମେଟ୍ରିକ ଟନ୍ କୋଇଲା ଭିତରେ ୯୪ ବସ୍ତା ଗଞ୍ଜେଇ ଜବତ କରିଥିଲା ପୋଲିସ । ତେବେ ବସ୍ତାରେ ୨୨୫୬ କେଜି ଗଞ୍ଜେଇ ଥିବା ଜଣାପଡିଛି । ଏହାର ଆନୁମାନିକ ମୂଲ୍ୟ ୩କୋଟି ଟଙ୍କା ହେବା ନେଇ ସୂଚନା ଦେଇଛନ୍ତି ଚିତ୍ରକୋଣ୍ଡା ଏସଡିପିଓ । ଏହି ଗଞ୍ଜେଇ ଚିତ୍ରକୋଣ୍ଡା ଅଞ୍ଚଳରୁ ଛତିଶଗଡର ରାଇପୁର ଯାଉଥିବା ବେଳେ ଯାଞ୍ଚ କରିଥିଲା ପୋଲିସ ।
ମାଲକାନଗିରିରୁ ପଞ୍ଚାନନ ଦାସ, ଇଟିଭି ଭାରତ
