ମାଲକାନଗିରି: ଜିଲ୍ଲାର ବନ୍ୟା ଅଞ୍ଚଳ ପରିଦର୍ଶନ କଲେ ବିଧାୟକ । ସୋମବାର ମାଲକାନଗିରି ବିଧାୟକ ଆଦିତ୍ୟ ମାଢି ମାଲକାନଗିରିର ବିଭିନ୍ନ ବନ୍ୟା ଅଞ୍ଚଳ ପରିଦର୍ଶନ କରିଛନ୍ତି । ଏହା ପରେ ମାଲକାନଗିରି ଶେଷ ସୀମା ମୋଟୁ ମୁଗି ପଏଣ୍ଟରେ ପହଞ୍ଚିଥିଲେ ସେ ।
ମାଲକାନଗିରି ବନ୍ୟା ଅଞ୍ଚଳ ପରିଦର୍ଶନ କଲେ ବିଧାୟକ
ବିଧାୟକ ମାଢି ପରିଦର୍ଶନ ସମୟରେ ବିଭିନ୍ନ ସ୍ଥାନ ବୁଲି ଦେଖିବା ସହ ପ୍ରଶାସନ ସହ ଏସମ୍ପର୍କରେ ଆଲୋଚନା କରିଛନ୍ତି । ପରିଦର୍ଶନ ସମୟରେ ସେ ପ୍ରଥମେ ବିନାୟକପୁର, ଅଲମା, ପେଟା, ମୁରଲୀ ଗୁଡା, ଜିଲେନଗୁଡା, କଟାନପାଲି, ଘରସା ପଲ୍ଲୀ, ମୁକାନ ଗୁଡା, ନୀଳକୁଟା, କୁରସନ ପଲ୍ଲୀ ଆଦି ବୁଲି ଦେଖିଥିଲେ ।
ଏହି ସମୟରେ ଲୋକଙ୍କୁ ଯେପରି ଅସୁବିଧା ନହେବ, ସେଥିପାଇଁ ସ୍ଥାନୀୟ ପ୍ରଶାସନ ଅଧିକାରୀଙ୍କ ସହିତ ଆଲୋଚନା କରିଛନ୍ତି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
