ମାଲକାନାଗିରି: ପୁଣି ମାଓବାଦୀଙ୍କ ହିଂସାକାଣ୍ଡ । ମାଲକାନଗିରି ଜିଲ୍ଲାର ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳରେ ଥମୁନି ମାଓବାଦୀଙ୍କ ଉପଦ୍ରବ । ଗତକାଲି(ମଙ୍ଗଳବାର) ଯୋଡ଼ାମ୍ଭ ଥାନା ଅନ୍ତର୍ଗତ ଖଜୁରୀଗୁଡା ଗ୍ରାମରେ ରାତି ପ୍ରାୟ ୯.୩୦ ସମୟରେ ପ୍ରାୟ ୩୦ରୁ ଉର୍ଦ୍ଧ୍ବ ମାଓବାଦୀ ଆସି ସେହି ଗ୍ରାମର ଦାସ ଖେମୁଡୁ, ସନା ହାନ୍ତାଳ ଓ ସମରୁ ଖିଲଙ୍କୁ ପୋଲିସ ଇନଫର୍ମର ଭାବି ନିର୍ଧୁମ ମାଡ଼ ମାରିଥିଲେ । ଶେଷରେ ଦାସ ଖେମୁଡୁଙ୍କ ଗଳା କାଟି ହତ୍ୟା କରି ଚାଲି ଯାଇଥିଲେ ଲାଲବାହିନୀ ।
ତେବେ ସୁରକ୍ଷା ବାହିନୀଙ୍କ ଉଦ୍ଦେଶ୍ୟରେ ବିଛା ଯାଇଥିବା ଲ୍ୟାଣ୍ଡମାଇନ ଯୋଜନା ବିଷୟରେ ତାଙ୍କୁ ଆଗୁଆ ସୂଚନା ଦେଇଥିବା ଜଣିବାକୁ ପାଇ ଲାଲବାହିନୀ ଏପରି ହତ୍ୟାକାଣ୍ଡ ଘଟାଇ ଥିବାର ଅନୁମାନ କରାଯାଉଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
