ମାଲକାନାଗିରି: ନଦୀ-ନାଳ, ରାସ୍ତା-ଘାଟ, ଗାଁ-ଗଣ୍ଡା ପାଣିରେ ଉବୁଟୁବୁ । ଜନଜୀବନ ଅସ୍ତବ୍ୟସ୍ତ। ମହାମାରୀ କୋରୋନା ସାଙ୍ଗକୁ ପାଞ୍ଚଦିନ ହେଲା ତୁହାକୁ ତୁହା ବର୍ଷା ଯୋଗୁଁ ବନ୍ୟା ପରିସ୍ଥିତି ଜିଲ୍ଲାବାସୀଙ୍କ ନିଦ ହଜାଇ ଦେଇଛି ।
ପୋଡିଆ ବ୍ଲକ ବୋଜାଗୁଡା ନିକଟରେ ବୋହିଯାଇଥିବା ସାବେରୀ ନଦୀର ଜଳସ୍ତର ବୃଦ୍ଧି ପାଉଥିବାରୁ ଜଳବନ୍ଦୀ ଏହି ଗ୍ରାମବାସୀ । ଜଳବନ୍ଦୀରେ ଫସିଥିବା ଗ୍ରାମବାସୀଙ୍କୁ ଉଦ୍ଧାର କରିଛନ୍ତି ଅଗ୍ନିଶମ ବିଭାଗର କର୍ମଚାରୀ। ଉଦ୍ଧାର କାର୍ଯ୍ୟରେ ନିୟୋଜିତ କର୍ମଚାରୀଙ୍କୁ ପ୍ରଶଂସା କରିଛନ୍ତି ଅଗ୍ନିଶମ ଡିଜି ସତ୍ୟଜିତ ମହାନ୍ତି ।
ପୋଲାଭରମ ବ୍ୟାକ ୱାଟର ଯୋଗୁଁ ସିଲେରୁ ଓ ସାବେରୀ ନଦୀ ଫୁଲିବାରେ ଲାଗିଛି । ଫଳରେ ଜିଲ୍ଲାରେ ବନ୍ୟା ପରିସ୍ଥିତି ଉପୁଜିଛି। ସେହିପରି ଆନ୍ଧ୍ରର ଗୋଦାବରୀ ନଦୀ ଜଳସ୍ତର ବୃଦ୍ଧି ମାଲକାନାଗିରି ଜିଲ୍ଲା ମୋଟୁ ତହସିଲ ଅଞ୍ଚଳରେ ବନ୍ୟାପରିସ୍ଥିତିର ବାହାକ ସାଜିଛି ।
ଏଭଳି ସ୍ଥିତିରେ ସରକାରଙ୍କ ପକ୍ଷରୁ ପ୍ରଭାବିତ ଲୋକଙ୍କୁ ସ୍ଥାନାନ୍ତରିତ କରାଯାଇ ଶୁଖିଲା ଖାଦ୍ୟ ଠାରୁ ଆରମ୍ଭ ଅତ୍ୟାବଶ୍ୟକ ସାମଗ୍ରୀ ଯୋଗାଇ ଦିଆଯାଉଥିବା କହଛନ୍ତି ମୋଟୁ ତହସିଲଦାର ଶଶାଙ୍କ ଶେଖର।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
