ମାଲକାନଗିରି: ଜିଲ୍ଲା ଗସ୍ତରେ ରହିଛନ୍ତି ରାଜ୍ୟପାଳ ଗଣେଶୀଲାଲ । ଏହି ଅବସରରେ ସେ ରାମ ମନ୍ଦିର ପ୍ରତିଷ୍ଠା ପାଇଁ ବଣ୍ତାଘାଟିର ସୀତାକୁଣ୍ତରୁ ପାଣି ଉଠାଇଛନ୍ତି । ରାଜ୍ୟପାଳ ସୀତାକୁଣ୍ତରୁ ପାଣି ଉଠାଇ ରାମ ମନ୍ଦିର ପ୍ରତିଷ୍ଠା ପାଇଁ ପୂଜାର୍ଚ୍ଚନା କରିଛନ୍ତି । କଡା ସୁରକ୍ଷାରେ ରାଜ୍ୟପାଳ ବଣ୍ତାଘାଟିରେ ହେଲିକପ୍ଟର ଯୋଗେ ପହଞ୍ଚିଥିଲେ । ପରେ ସେ ମୁଦୁଲିପଡାସ୍ଥିତ ସୀତାକୁଣ୍ତରୁ ରାମ ମନ୍ଦିରର ପ୍ରତିଷ୍ଠା ପାଇଁ ପାଣି ଊଠାଇଥିଲେ । ଏହାପରେ ସେ ରାଷ୍ଟ୍ରୀୟ କବି ସଂଘ ପକ୍ଷରୁ ଆୟୋଜିତ ସଭାରେ ସାମିଲ ହୋଇଥିଲେ ।
ଏହି ଅବସରରେ ତାଙ୍କୁ ବଣ୍ତା ନୃତ୍ୟର ତାଳେତାଳେ ରାଜ୍ୟପାଳଙ୍କୁ ପାଛୋଟି ଆଣିଥିଲେ ବଣ୍ତାଲୋକେ । ବଣ୍ତା ହେଉଛନ୍ତି ଏକ ଆଦିମ ଜନଜାତି । ରାମରାଜ୍ୟ ସମୟରେ ଏହି ପୁରାତନ ଜନଜାତିର ଲୋକଙ୍କ ମଧ୍ୟ ପ୍ରତିଷ୍ଠା ଥିଲା । ଆଜି କିନ୍ତୁ ଏମାନେ ଅବହେଳିତ ଅବସ୍ଥାରେ ରହିଛନ୍ତି । ତାଙ୍କ ପାଇଁ ରାଜ୍ୟ ସରକାର ସ୍ବତନ୍ତ୍ର ଦୃଷ୍ଟି ଦେବା ଆବଶ୍ୟକତା ରହିଛି ବୋଲି କହିଛନ୍ତି ରାଜ୍ୟପାଳ ।
ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ
