ମାଲକାନଗିରି: ଜିଲ୍ଲାର ସ୍ୱାଭିମାନ ଅଞ୍ଚଳର ଲାଇଫ ଲାଇନ କୁହାଯାଉଥିବା ଗୁରୁପ୍ରିୟା ସେତୁରେ ଅଚଳ ହୋଇ ପଡିଛି ସିସିଟିଭି ଓ ଷ୍ଟ୍ରିଟ ଲାଇଟ । ଗୁରୁପ୍ରିୟା ସୁରକ୍ଷା ନିମନ୍ତେ ମାଲକାନଗିରି ଜିଲ୍ଲା ପୋଲିସ ଓ ବିଏସଏଫ୍ ଦାୟିତ୍ୱ ଥିବା ବେଳେ ରାତିରେ ସୁରକ୍ଷା ବାହିନୀ ସହଯୋଗ କରିବା ସହ ସେତୁର ସୁରକ୍ଷା ପାଇଁ ଲାଗିଛି ସିସିଟିଭି ଓ ଲାଇଟ । ହେଲେ ଯାନ୍ତ୍ରିକ ତ୍ରୁଟି ଯୋଗୁଁ କିଛିଦିନ ହେବ ଗୁରୁପ୍ରିୟା ସେତୁରେ ଲାଗିଥିବା ସିସିଟିଭି କାମ କରୁନଥିବା ବେଳେ କିଛି ଷ୍ଟ୍ରିଟ ଲାଇଟ ମଧ୍ୟ ଲାଗୁନଥିବା ଜଣାପଡିଥିଲା ।
ସୁରକ୍ଷା ବ୍ୟବସ୍ଥାକୁ କଡାକଡି କରିବାପାଇଁ ବର୍ତ୍ତମାନ ସିସିଟିଭି ମରାମତି କାମ ଆରମ୍ଭ କରିଛି ପ୍ରଶାସନ । କୁହାଯାଉଛି କିଛି ସ୍ଥାନରେ ତାର ଖରାପ ଥିବା ଯୋଗୁଁ ସିସିଟିଭି ତ୍ରୁଟି ଦେଖିବାକୁ ମିଳିଛି । ତେବେ ଗୁରୁପ୍ରିୟା ସେତୁର ଲାଗିଥିବା ଆହୁରି କିଛି ଲାଇଟ ଅଚଳ ହୋଇପଡିଛି । ଏହି ଅଚଳ ଲାଇଟ ଗୁଡିକକୁ କେବେ ପ୍ରଶାସନ ସଜାଡ଼ିବ ତାହା ଦେଖିବାକୁ ବାକି ରହିଲା ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
