ମାଲକାନାଗିରି: ଜିଲ୍ଲାରେ ସକ୍ରିୟ ଥିବା ବାଇକ ଚୋରି ରାକେଟର ପର୍ଦ୍ଦାଫାଶ କରିଛି ପୋଲିସ । ଏ ଘଟଣାରେ ଜଡିତ ଦୁଇ ମୁଖ୍ୟ ଅଭିଯୁକ୍ତ ଫୁଲଧର ଖିଲ ଓ ଦାମଦାର ହନ୍ତାଳକୁ ମାଲକାନଗିରି ଆଦର୍ଶ ଥାନା ପୋଲିସ ଗିରଫ କରିଛି। ଏହା ସହ ସେମାନଙ୍କ ଠାରୁ 10ଟି ଚୋରା ବାଇକ ମଧ୍ୟ ଜବତ କରାଯାଇଛି।
ଭିଡିଓ ସୌଜନ୍ୟ: ସମ୍ବାଦଦାତା, ମାଲକାନାଗିରି
ତେବେ ଏହି ଚୋରୀ ବାଇକକୁ କିଣିଥିବା ଲୋକଙ୍କୁ ମଧ୍ୟ ଗିରଫ କରିଛି ପୋଲିସ । ଗିରଫ ହୋଇଥିବା ସମସ୍ତ ଅଭିଯୁକ୍ତଙ୍କୁ ସୋମବାର କୋର୍ଟ ଚାଲାଣ କରାଯିବା ସହ, ଏହି ରାକେଟରେ ସାମିଲ ଥିବା ଅନ୍ୟ ଲୋକଙ୍କୁ ପୋଲିସ ଖୋଜୁଥିବା ମାଲକାନଗିରି ଏସପି କହିଛନ୍ତି।
ମାଲକାନଗିରିରୁ ଜୟନ୍ତ ତିଆଡ଼ି, ଇଟିଭି ଭାରତ
