ମାଲକାନଗିରି: ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳରେ ଜନତା-ମାଓବାଦୀ ମୁହାଁମୁହିଁ ଘଟଣାକୁ ନେଇ ଏକ ଅଡିଓ ଟେପ ଜାରି କରିଛି ଲାଲବାହିନୀ । ଆନ୍ଧ୍ର ଓଡିଶା ବର୍ଡର ସ୍ପେଶାଲ ଜୋନାଲ କମିଟିର ସମ୍ପାଦକ ଗଣେଶ ଏହି ଅଡିଓ ଟେପ ଜାରି କରିଛି ।
ଗତ ଜାନୁଆରୀ 25 ତାରିଖରେ ମାଓବାଦୀ ଓ ସ୍ଥାନୀୟଲୋକଙ୍କ ମଧ୍ୟରେ ଘଟିଥିବା ଘଟଣାକୁ ଅଡିଓ ଟେପ ଜାରି କରି ଖଣ୍ଡନ କରିଛି ମାଓ କମାଣ୍ଡର ଗଣେଶ । ଏହା ଏକ ପୋଲିସର ଚାଲ । ପୋଲିସର କିଛି ଏଜେଣ୍ଟ ଆମ ଦୁଇ ମାଓ କମ୍ରେଡଙ୍କୁ ଆକ୍ରମଣ କରିବା ସହ ଜଣକୁ ହତ୍ୟା କରିଛନ୍ତି । ଏଥିରେ ସାଧାରଣ ଲୋକଙ୍କ ହାତ ନାହିଁ ବୋଲି ମାଓ ନେତା କହିଛି । ପୋଲିସର ଏପରି ଚାଲ ସଫଳ ହେବନି ବୋଲି କହିବା ସହ ବିଛିନ୍ନାଞ୍ଚଳ ଲୋକଙ୍କ 31 ଦଫା ଦାବି ଏଯାଏଁ ସମାଧାନ କରିନାହିଁ ପ୍ରସାଶନ । ପ୍ରଶାସନ ଗାଁରେ ପୋଲିସ ଛାଉଣୀ କରି ଲୋକଙ୍କୁ କେବଳ ଭୟଭୀତ କରୁଛି ବୋଲି ଅଡିଓ ଟେପ ଜାରି କରି କହିଛି ଗଣେଷ ।
ଏପରିକି ଗତ ସାଧାରଣ ନିର୍ବାଚନରେ ଭୋଟ ବର୍ଜନ କରିଥିବା ବିଛିନ୍ନାଞ୍ଚଳ ଲୋକଙ୍କ ମୌଳିକ ସମସ୍ୟାର ସମାଧାନ ଆଜିଯାଏଁ ହୋଇନାହିଁ । ପାଣି, ସ୍ୱାସ୍ଥ୍ୟ, ଶିକ୍ଷା ଓ ଗମନାଗମନ ଭଳି ମୌଳିକ ସୁବିଧା ପାଇଁ ଲୋକେ ନିଜ ଲଢେଇ ଜାରି ରଖଛନ୍ତି । ଆଉ ଆଗାମି ଦିନରେ ମଧ୍ୟ ଏହି ଲଢେଇ ଜାରି ରଖିବେ ବୋଲି ସରକାରଙ୍କୁ କହିବା ସହ ପୋଲିସ କଥାରେ ଭୟଭୀତ ନହେବା ପାଇଁ ବିଚ୍ଛିନ୍ନାଞ୍ଚଳ ବାସୀଙ୍କୁ ଅଡିଓ ଟେପ ଜାରି କରି ଆହ୍ୱାନ ଦେଇଛି ଆନ୍ଧ୍ର ଓଡିଶା ସ୍ପେଶାଲ ଜୋନାଲ କମିଟିର ସମ୍ପାଦକ କମ୍ରେଡ ଗଣେଶ ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
