ମାଲକାନଗିରି: ଲାଲଗଡ଼ କୁହାଯାଉଥିବା ମାଥିଲି ଅଞ୍ଚଳର ତୁଳସୀ ପାହାଡ଼ ଜଙ୍ଗଲରେ କୁମ୍ବିଂ ବେଳେ ଜଣେ ମାଓବାଦୀକୁ ଗିରଫ କରିବାରେ ସଫଳ ହୋଇଛନ୍ତି ଭାରତୀୟ ଯବାନ । ମାଓବାଦୀ ଲକ୍ଷ୍ମଣ ପଡିଆମୀ ଓଡ଼ିଶା ଓ ଛତିଶଗଡ଼ରେ ଅନେକ ମାଓ କାର୍ଯ୍ୟକଳାପରେ ସାମିଲ ଥିବା ମାଲକାନଗିରି ଏସପି ନୀତିଶ ୱାଧନୀ ସୂଚନା ଦେଇଛନ୍ତି ।
ସୂଚନା ଅନୁସାରେ ମାଥିଲି ଅଞ୍ଚଳର ତୁଳସୀ ପାହାଡ଼ ଜଙ୍ଗଲରେ ମାଓବାଦୀଙ୍କର କ୍ୟାମ୍ପ ଥିବା ଯବାନମାନେ ଜାଣିବାକୁ ପାଇଥିଲେ । ଏନେଇ ଗତ ଜୁଲାଇ ୮ ତାରିଖ ଦିନ ବିଏସଏଫ ଏବଂ ଏସଓଜି ପକ୍ଷରୁ ସେହି ଅଞ୍ଚଳରେ କୁମ୍ବିଂ ଅପରେସନ କରାଯାଇଥିଲା ।
ତେବେ ଏହି ଅପରେସନ ବେଳେ ମାଓବାଦୀ ଲକ୍ଷ୍ମଣ ପଡିଆମୀକୁ ଯବାନମାନେ ଧରିବାରେ ସଫଳ ହୋଇଥିଲେ । ଏହା ସହିତ ଏକ ବନ୍ଧୁକ ମଧ୍ୟ ଜବତ ହୋଇଥିବା ଜଣା ପଡ଼ିଛି । ଲକ୍ଷ୍ମଣ ନାଁରେ ଏକ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା ହୋଇଥିଲା ।
ଇଟିଭି ଭାରତ, ମାଲକାନଗିରି
