ମାଲକାନଗିରି: ଲାଞ୍ଚ ନେଇ ଫସିଲେ ପୋଲିସ ବାବୁ

ଲାଞ୍ଚ ନେଇ ଫସିଗଲେ ପୋଲିସ ଅଧିକାରୀ । ଘରୋଇ କଲେଜରୁ ଲାଞ୍ଚ ନେବା ବେଳେ ଧରିଲା ଭିଜିଲାନ୍ସ ।

ମାଲକାନଗିରି: ଭିଜିଲାନ୍ସ ଜାଲରେ ପୋଲିସ ଅଧିକାରୀ । 3 କର୍ତ୍ତବ୍ୟରତ ପୋଲିସ ଅଧିକାରୀଙ୍କୁ ଭିଜିଲାନ୍ସ ଅଟକ ରଖିଛି । ଜିଲ୍ଲାର ଏକ ଘରୋଇ କଲେଜ କର୍ତ୍ତୃପକ୍ଷଙ୍କ ଠାରୁ ଜାଲ ପ୍ରମାଣପତ୍ର ମାମଲାରେ ଏକ ଲକ୍ଷ ଟଙ୍କା ଲାଞ୍ଚ ନେବା ବେଳେ ସେମାନଙ୍କୁ ଭିଜିଲାନ୍ସ ଧରିଛି ।

ସେମାନେ ହେଲେ ମାଲକାନଗିରି ମଡେଲ ଥାନା ଆଇଆଇସି ରଞ୍ଜନ କୁମାର ସାହୁ, ସବ ଇନିସପେକ୍ଟର ମାନସ ରଞ୍ଜନ ସ୍ବାଇଁ ଓ ସବଇନିସପେକ୍ଟର ସୁନିଲ କୁମାର । ଭିଜିଲାନ୍ସ ସେମାନଙ୍କୁ ଅଟକ ରଖି ପଚରାଉଚରା ଜାରି ରଖିଛି ।

ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ