କୋରାପୁଟ: ଖଣି ଖନନ ବନ୍ଦ ଯୋଗୁଁ କ୍ଷତିରେ ଟିପର ମାଲିକ ସଂଘ । କୋରାପୁଟ କୋଡ଼ିଙ୍ଗାମାଳି ପର୍ବତରୁ ବକ୍ସାଇଟ ଖନନକୁ ବିରୋଧ କରିବାରୁ ପାଖାପାଖି ୩୦୦ ରୁ ଉର୍ଦ୍ଧ୍ବ ଟିପର ରାସ୍ତା କଡରେ ଠିଆ ହୋଇରହିଛି । ଏହାକୁ ନେଇ ଆଜି ଟିପର ମାଲିକ ସମୂହ ଜିଲ୍ଲାପାଳ ପୋମା ଟୁଡୁଙ୍କୁ ଭେଟି ଏ ସମ୍ପର୍କରେ ଜଣାଇଛନ୍ତି ।
ଗତ ଏକ ସପ୍ତାହ ଧରି ଲକ୍ଷ୍ମୀପୁର ନିକଟରେ ଥିବା କୋଡ଼ିଙ୍ଗାମାଳି ପର୍ବତରୁ ବକ୍ସାଇଟ ଖନନକୁ ବିରୋଧ ସହ ଖଣିରୁ ମାଟି ପରିବହନକୁ ବନ୍ଦ କରିଦେଇଛନ୍ତି ଗ୍ରାମବାସୀ । ଏହା ଫଳରେ ଗାଡ଼ିରେ କାମ କରୁଥିବା ଡ୍ରାଇଭର ଓ ହେଲପରଙ୍କ ଖର୍ଚ୍ଚ ବହନ କରିବା ସହ ଋଣ ଆଣିଥିବା ସଂସ୍ଥାକୁ ଗାଡିର କିସ୍ତି ପୈଠ କରିବା ଏକ ପ୍ରକାର ଅସମ୍ଭବ ହୋଇଗଲାଣି ବୋଲି ଲକ୍ଷ୍ମୀପୁର ଟ୍ରକ ମାଲିକ ସଂଘ ର ସଦସ୍ୟ ଅଭିଯୋଗ କରିଛନ୍ତି ।
ସେମାନଙ୍କୁ ଏହି ସଙ୍କଟ ପରିସ୍ଥିତିରୁ ରକ୍ଷା କରିବା ପାଇଁ ଟିପର ମାଲିକ ସମୂହ କୋରାପୁଟ ଜିଲ୍ଲାପାଳଙ୍କୁ ଭେଟି ଏ ବାବଦରେ ଜଣାଇଛନ୍ତି। ଜିଲ୍ଲାପାଳ ମଧ୍ୟ ଏ ଦିଗରେ ଉପଯୁକ୍ତ ପଦକ୍ଷେପ ନେବାର ପ୍ରତିଶ୍ରୁତି ଦେଇଥିବା ଜଣାପଡିଛି।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
