କୋରାପୁଟ: ମାଆ ଓ ମମତାର ରକ୍ଷା ପାଇଁ ଅନେକ ଯୋଜନା ରାଜ୍ୟରେ କରାଯାଇଛି । ମାତ୍ର ତାହାର ସୁପରିଚାଳନା ଶୂନ । ଏକଥା ଆମେ ନୁହେଁ ଏ ଦୃଶ୍ୟ କହୁଛି । ଗାଁକୁ ରାସ୍ତା ନଥିବାରୁ ତିନି କିଲୋମିଟର ଚାଲିବା ପରେ ଅଠର କିଲୋମିଟର ଆମ୍ବୁଲାନ୍ସରେ ଯାଇ ଜଣେ ଗର୍ଭବତୀ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି ।
ଘଟଣାଟି ଘଟିଛି ମାଥାଲପୁଟ ସ୍ବାସ୍ଥ୍ୟକେନ୍ଦ୍ରରେ । ନାରାୟଣପାଟଣା ବ୍ଲକର ବିଜାଘାଟି ପଞ୍ଚାୟତ ଅନ୍ତର୍ଗତ ମୁଣ୍ଡ ଗୋଡ଼ତି ଗ୍ରାମର ନଭେ ସାଉଁନ୍ତା ତିନି କିଲୋମିଟର ଚାଲିବା ପରେ ପୁଣି 18 କିଲୋମିଟର ଅତିକ୍ରମ କରିବା ପରେ ସ୍ବାସ୍ଥ୍ୟ କେନ୍ଦ୍ରରେ ପହଞ୍ଚିଥିଲେ ।
ଭିଡିଓ ସୌଜନ୍ୟ- ସମ୍ବାଦଦାତା, କୋରାପୁଟ
ଏହି ବ୍ଲକର ନାଲକୋ ପାରିପାର୍ଶ୍ବିକ ଅଞ୍ଚଳରେ ଥିବା ମୁଣ୍ଡଗଡତି, ତଲଗଡତି, ତଳ ରଙ୍ଗପାଣି , ଉପର ରଙ୍ଗପାଣି ଓ କୁତୁଡି ଭଳି ଅନେକ ଗ୍ରାମକୁ ଏ ପର୍ଯ୍ୟନ୍ତ ସୁଗମ ରାସ୍ତା ଖଣ୍ଡିଏ ନଥିବାବେଳେ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ
