କୋରାପୁଟ: ଆଜି ସକାଳୁ ଜୟପୁର ଉପ କାରାଗାରରେ ପୋଲିସର ଚଢାଉ । ଆରକ୍ଷୀ ଅଧିକ୍ଷକ ବରୁଣ ଗୁଣ୍ଟାପଲିଙ୍କ ନେତୃତ୍ବରେ ଚଢ଼ାଉ କରିଛି । କଏଦୀଙ୍କ ପାଖରୁ ବିଭିନ୍ନ ବ୍ୟାୟାମ ପାଇଁ ବ୍ୟବହୃତ ସମାଗ୍ରୀ ଓ ନଗଦ ଟଙ୍କା ଜବତ କରିଛି ପୋଲିସ ।
ସୁଚନାଅନୁସାରେ, ପୋଲିସ କରାଗାରରେ ଆତର୍କିତ ଚଢାଉ କରିଥିଲା । ଚଢାଉରେ କଏଦୀଙ୍କ ନିକଟରୁ ଏକ ମୋବାଇଲ, ପେନ୍ ଡ୍ରାଇଭ ଓ ନଗଦ 18ହଜାର ଟଙ୍କା ଜବତ କରିଛି ପୋଲିସ । ଏଥି ସହ କିଛି ଲୁହା ରଡ଼ , ବ୍ୟାୟାମ ପାଇଁ ବ୍ୟବହୃତ ଡମ୍ବଲସ, ଷ୍ଟେମିନା ପାଉଡର ଓ ନିଶାଦ୍ରବ୍ୟ ଜବତ ହୋଇଛି । ଜେଲ ପରିସରରେ ଏତେ ସୁରକ୍ଷା ମଧ୍ୟରେ କିପରି ଫୋନ ସହ ଏସବୁ ସାମଗ୍ରୀ ଜେଲ ପରିସରକୁ ଗଲା ସେ ନେଇ ତଦନ୍ତ କରାଯିବ ବୋଲି କହିଛନ୍ତି ଏସପି ବରୁଣ ଗୁଣ୍ଟାପାଲି ।
କାରାଗାରରେ ଗଞ୍ଜେଇ ଚୋରା ଚାଲାଣ ମାମଲାରେ ବିଭିନ୍ନ ରାଜ୍ୟର ଅନେକ ଅଭିଯୁକ୍ତ ଗିରଫ ହୋଇ କଏଦୀ ଭାବେ ରହିଛନ୍ତି । କଏଦୀମାନେ ବିଭିନ୍ନ ସଂସ୍କାରମୂଳକ କାର୍ଯ୍ୟକୁ ନେଇ ଏହି କାରାଗାର ବହୁତ ସୁନାମ ଅର୍ଜନ କରିଛି । ହୋଇଥିବା ଚଢାଉରେ ଅତିରିକ୍ତ ଏସ୍ପି ଉତ୍କଳ ରଞ୍ଜନ ଦାଶ, ଜୟପୁର ଏସଡିପିଓ ଅରୁପ ଅଭିଷେଖ ବେହେରା, ବୋରିଗୁମ୍ମା ଏସଡିପିଓ ହରେକୃଷ୍ଣ ମାଝୀ, ଜୟପୁର ଉପଜିଲ୍ଲାପାଳ ହେମକାନ୍ତ ସାଏଙ୍କ ସମେତ ଜୟପୁର ଟାଉନ ଓ ସଦର ଥାନା ଏବଂ ବୈପାରିଗୁଡା ଓ କୁନ୍ଦୁରା ଥାନା ଅଧିକାରି ପ୍ରମୁଖ ଉପସ୍ଥିତ ଥିଲେ ।
କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ
