କୋରାପୁଟ: କୋରାପୁଟ ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜର ରକ୍ତଭଣ୍ଡାରରେ ରକ୍ତ ଉପାଦାନ ପୃଥକୀକରଣ ପ୍ରକ୍ରିୟା ପାଇଁ ସ୍ଵତନ୍ତ୍ର ୟୁନିଟର ଶୁଭାରମ୍ଭ କରାଯାଇଛି । ଏହା ଦ୍ଵାରା ପ୍ଳେଟଲେଟ କମିଯାଉଥିବା ଯେକୌଣସି ରୋଗରେ ଆକ୍ରାନ୍ତ ରୋଗୀଙ୍କୁ ଆଉ ବାହାରକୁ ଚିକିତ୍ସା ପାଇଁ ଯିବାକୁ ପଡିବ ନାହିଁ । ଏହାକୁ ନେଇ ହସ୍ପିଟାଲ ସୁପରିଣ୍ଟେଣ୍ଡେଣ୍ଟ ଡାକ୍ତର ସୀତାକାନ୍ତ ମହାପାତ୍ର ସୂଚନା ଦେଇଛନ୍ତି ।
ଜିଲ୍ଲାପାଳ ଅବଦଲ ଅକ୍ତର ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜରେ ପ୍ଲେଟଲେଟ ୟୁନିଟକୁ ଉଦଘାଟନ କରିଛନ୍ତି । ଏହି ୟୁନିଟ ଦ୍ବାରା ପ୍ଲେଟଲେଟ ଓ ପ୍ଳାଜମା ଭଳି ରକ୍ତର ବିଭିନ୍ନ ଉପାଦାନକୁ ଅଲଗା ଅଲଗା କରି ବ୍ୟବହାର କରିହେବ । ଏଥିଯୋଗୁଁ ସଂଗୃହୀତ ରକ୍ତର ଉତ୍କୃଷ୍ଟମାନ ବ୍ୟବହାର କରାଯାଇପାରିବ । ତାସାଙ୍ଗକୁ ଗୋଟିଏ ରକ୍ତ ୟୁନିଟକୁ ଏକାଧିକ ବ୍ୟକ୍ତିଙ୍କ ଚିକିତ୍ସା ପାଇଁ ବ୍ୟବହାର କରିହେବ । ଏହାକୁ ନେଇ ଡାକ୍ତର ସୀତାକାନ୍ତ ମହାପାତ୍ର ସ୍ପଷ୍ଟ କରିଛନ୍ତି ।
ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜରେ ପ୍ଲେଟଲେଟ ୟୁନିଟ ନଥିବାରୁ ବହୁ ରୋଗୀଙ୍କୁ ବାହାରକୁ ଚିକିତ୍ସା ପାଇଁ ଯିବାକୁ ପଡ଼ୁଥିଲା । ଏହାଦ୍ବାରା ଅନେକ ରୋଗୀ ଉପକୃତ ହୋଇ ପାରିବେ ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
