କୋରାପୁଟ: ବେଆଇନ ଭାବେ ବଜ୍ରକାପ୍ତା ଚାଲାଣ କରି ଫସିଲେ ଦୁର୍ବୃତ୍ତ । କୋରାପୁଟ ଜିଲ୍ଲା ବୋରିଗୁମ୍ମା ବନାଞ୍ଚଳ ଅଧିନସ୍ଥ କାଠରଗଡା ଜଙ୍ଗଲରୁ ବେଆଇନ ଭାବେ ଚାଲାଣ ହେଉଥିବା ବିରଳ ପ୍ରଜାତିର ବଜ୍ରକାପ୍ତାକୁ ଉଦ୍ଧାର କରିିଛି ବନବିଭାଗ । ଘଟଣାର ଜଣେ ଗିରଫ ।
ବିରଳ ପ୍ରଜାତିର ବଜ୍ରକାପ୍ତା ଉଦ୍ଧାର
ଜୟପୁର ବନବିଭାଗକୁ ସଫଳତା । ବ୍ରଜକାପ୍ତା ଚଲାଣ ହେଉଥିବା ନେଇ ବିଶେଷ ସୂତ୍ରରୁ ଖବର ପାଇଥିଲା ବନ ବିଭାଗ । ଜୟପୁର ବନବିଭାଗ ବୋରିଗୁମ୍ମା ବନାଞ୍ଚଳରେ ଅଚାନକ ଚଢାଉ କରିଥିଲା । ଚଢାଉରେ ଗୋଟିଏ ବିରଳ ପ୍ରଜାତିର ବଜ୍ରକାପ୍ତାକୁ ଉଦ୍ଧାର କରିବା ସହ ଚାଲାଣକାରିକୁ ଗିରଫ କରାଯାଇଛି ।
ଉଦ୍ଧାର ହୋଇଥିବା ବଜ୍ରକାପ୍ତାଟିକୁ ବୋରିଗୁମ୍ମା ବନାଞ୍ଚଳ କାର୍ଯ୍ୟାଳୟରେ ରଖାଯାଇଛି । ଉଦ୍ଧାର ହୋଇଥିବା ବଜ୍ରକାପ୍ତାର ଓଜନ ଦୁଇକିଲୋରୁ ଉର୍ଦ୍ଧ୍ବ ହେବ ବୋଲି ବୋରିଗୁମ୍ମା ବନାଞ୍ଚଳ ଅଧିକାରୀ ଦିଲୀପ ପଟ୍ଟନାୟକ କହିଛନ୍ତି । ବନବିଭାଗ ତଦନ୍ତ ଜାରି ରଖିଛି ।
କୋରାପୁଟରୁ ସି.ଏଚ ଶାନ୍ତାକାର,ଇଟିଭି ଭାରତ
