କୋରାପୁଟ : କୋଟିଆରେ ହେବ ପଞ୍ଚାୟତ ନିର୍ବାଚନ । ଏହି ନର୍ବାଚନରେ ସାମିଲ ହେବ କୋଟିଆ ପଞ୍ଚାୟତର ସମସ୍ତ ଗ୍ରାମ । ଏନେଇ ଆଜି କୋରାପୁଟ ଜିଲ୍ଲାପାଳ ଅବଦଲ ଅକ୍ତର ସୂଚନା ଦେଇଛନ୍ତି । ଗତକାଲି ଆନ୍ଧ୍ରପ୍ରଦେଶର ଏମ୍ପିଡିସି ନିର୍ବାଚନରେ କୋଟିଆ ପଞ୍ଚାୟତର ତଳ ଗଞ୍ଜେଇପଦର, ଫାଟୁସିନେରୀ ଓ ଫଗୁଣସିନେରୀ ପାଇଁ ଆନ୍ଧ୍ର ପ୍ରତିନିଧି ନିର୍ବାଚିତ ହେବାର ଫଳାଫଳ ଘୋଷଣା ହେବା ପରେ ଏ ସଂକ୍ରାନ୍ତରେ କୋରାପୁଟ ଜିଲ୍ଲାପାଳ ଅବଦଲ ଅକ୍ତର ପ୍ରତିକ୍ରିୟା ରଖିଛନ୍ତି ।
ଗତ କିଛି ମାସ ପୂର୍ବେ ଆନ୍ଧ୍ରପ୍ରଦେଶର ନିର୍ବାଚନରେ ଓଡ଼ିଶାରେ ରହୁଥିବା ଆନ୍ଧ୍ରର ଭୋଟର ନିଜ ମତଦାନ କରିଥିଲେ। ତେଣୁ ଏହି ନିର୍ବାଚନ ଫଳାଫଳ ସହ ଓଡ଼ିଶାର କିଛି ସମ୍ବନ୍ଧ ନାହିଁ ବୋଲି ଜିଲ୍ଲାପାଳ କହିଛନ୍ତି । ଓଡ଼ିଶାରେ ଯେବେ ପଞ୍ଚାୟତ ନିର୍ବାଚନ ଅନୁଷ୍ଠିତ ହେବେ ସେତେବେଳେ କୋଟିଆର ସମସ୍ତ ଗ୍ରାମରେ ରହୁଥିବା ଓଡ଼ିଶାର ମତଦାତା ନିଜ ନିଜ ମତଦାନ ସାବ୍ୟସ୍ତ କରିବେ ବୋଲି ସେ ସ୍ପଷ୍ଟ କରିଛନ୍ତି ।
ସୂଚନାଥାଉକି କୋଟିଆରେ ଆନ୍ଧ୍ର ଅନୁପ୍ରବେଶ କରି କରିଛି ପଞ୍ଚାୟତ ନିର୍ବାଚନ । କୋଟିଆ ପଞ୍ଚାୟତର ତଳଗଞ୍ଜେଇପଦରକୁ ଗୋଟିଏ ଏମପିଟିସିରେ ଯୋଡିଥିବାବେଳେ ଫାଟୁସିନେରୀ ଓ ଫଗୁଣସିନେରୀକୁ ଅନ୍ୟ ଏକ ଏମପିଟିସି ସହିତ ଯୋଡିଛି । ଆନ୍ଧ୍ର ପ୍ରଦେଶରେ ପଞ୍ଚାୟତରାଜ ବ୍ୟବସ୍ଥାରେ ୱାଇଏସଆର କଂଗ୍ରେସ ସମର୍ଥିତ ଦୁଇ ଜଣ ସଦସ୍ୟ ନିର୍ବାଚିତ ହୋଇଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
