କୋରାପୁଟ: ମାଓ ପ୍ରଭାବିତ, ଚାଷୀ ମୂଲିଆ ଆଦିବାସୀ ସଂଘ ଦ୍ବାରା କବଳିତ ନାରାୟଣପାଟଣା। ଏଠି ସମୟ ସ୍ରୋତରେ ପରିବର୍ତ୍ତନ ଆସିଛି ସତ, କିନ୍ତୁ ହୋଇପାରୁ ନାହିଁ ବିକାଶ। ସମସ୍ୟା ଯେ ସମସ୍ୟା । ନାରାୟଣପାଟଣା ସଦରମହକୁମାକୁ ରାଜନେତା ଆସୁଛନ୍ତି ହେଲେ ସମସ୍ୟା ଶୁଣିବାକୁ ନୁହେଁ ବୋଲି ଅଭିଯୋଗ କରିଛନ୍ତି ଅଞ୍ଚଳବାସୀ। ଆଉ ଏଭଳି ସ୍ଥିତିକୁ ପରଖିଛନ୍ତି ଇଟିଭିର ପ୍ରତିନିଧି ।
ଆଜି ବି କେତେକ ଗାଁ ଗଣ୍ଡାରେ ପହଞ୍ଚିପାରିନି ଆଲୋକକରଣୀର ବ୍ୟବସ୍ଥା। ନା ପହଞ୍ଚିଛି ପାନୀୟ ସେବା ନା ବଦଳିଛି ରାସ୍ତାର ଚିତ୍ର। ମୌଳିକ ସୁବିଧାରୁ ବଞ୍ଚିତ ଏ ଅଞ୍ଚଳବାସୀ ନାହିଁ ନଥିବା ସମସ୍ୟାର ସମ୍ମୁଖିନ ହେଉଥିବା ବେଳେ ଦେଖାଦେଉନାହାନ୍ତି ନେତାମନ୍ତ୍ରୀ ।
ଚାଷୀ ମୂଲିଆ ଆଦିବାସୀ ସଂଘର ଆନ୍ଦୋଳନ ଓ ମାଓବାଦୀଙ୍କ ଯୋଗୁଁ ସତେ ଯେମିତି ବିକାଶ ଯେମିତି ଠପ ହୋଇପଡିଥିଲା । କିନ୍ତୁ ସମୟର ପ୍ରଭାବରେ ମଳିନ ପଡିବାରେ ଲାଗେ ଆଦିବାସୀ ସଂଘର ଆନ୍ଦୋଳନ। ଆଉ ବିଏସଏଫ ଓ ଓଡ଼ିଶା ପୋଲିସର ସକ୍ରିୟ ଉପସ୍ଥିତି ଯୋଗୁଁ ଧୀରେଧୀରେ କମିବାରେ ଲାଗିଛି ମାଓବାଦୀଙ୍କ କାର୍ଯ୍ୟକଳାପ । ତଥାପି ବିକାଶ ତ ଦୂରର କଥା, ମୌଳିକ ସେବାରୁ ମଧ୍ୟ ବଞ୍ଚିତ ହୋଇଛନ୍ତି ଅଞ୍ଚଳବାସୀ ।
କୋରାପୁଟରୁ ସିଏଚ.ଶାନ୍ତାକାର, ଇଟିଭି ଭାରତ
