କୋରାପୁଟ: ଦାମନଯୋଡି ସ୍ଥିତ ନାଲକୋର ପଞ୍ଚପଟ୍ଟମାଳି ଖଣି ଅଞ୍ଚଳରେ ଡ଼ମ୍ପର ମାଡିଯାଇ ଜଣେ ନାଲକୋ କର୍ମଚାରୀଙ୍କ ମୃତ୍ୟୁ ହୋଇଛି । ସାଉଥ ବ୍ଲକରୁ ବକ୍ସାଇଟ ପରିବହନ କରୁଥିବା ସମୟରେ ଏହି ଦୁର୍ଘଟଣା ଘଟିଛି । କର୍ମଚାରୀ ଜଣକଙ୍କ ନାଁ ଭାସ୍କର ରାଜୁ ବୋଲି ଜଣା ପଡିଛି । ସେ ସେହି ଡ଼ମ୍ପରର ଚାଳକ ଥିବାନେଇ ସୂଚନା ମିଳିଛି ।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ ବକ୍ସାଇଟ ଭର୍ତି କରି ଡ଼ମ୍ପରଟି ଖଣି ଅଞ୍ଚଳରେ ଏକ ମାଟି ରାସ୍ତା ଉପର ଦେଇ ଯାଉଥିବା ସମୟରେ ନିୟନ୍ତ୍ରଣ ହରାଇଥିଲା । ଡ଼ମ୍ପରଟି ଓଲଟିଯିବାର ଭୟରେ ଭାସ୍କର ରାଜୁ ଡ଼ମ୍ପର ଚକାତଳେ ପଡିଯିବା ଫଳରେ ତାଙ୍କ ମୃତ୍ୟୁ ହୋଇଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
