କୋରାପୁଟ: ରାଜ୍ୟସ୍ତରୀୟ ମହୋତ୍ସବ ପରବର ଜିଲ୍ଲାସ୍ତରୀୟ ନୃତ୍ୟ ଓ ସଙ୍ଗୀତ ପ୍ରତିଯୋଗିତା ମଙ୍ଗଳବାର କୋରାପୁଟ ସାଂସ୍କୃତିକ ପରିଷଦ ମଞ୍ଚରେ ଆନନ୍ଦ ଉଲ୍ଲାସର ସହ ଅନୁଷ୍ଠିତ ହୋଇଯାଇଛି ।
ଲୋକ ନୃତ୍ୟ ଓ ସଙ୍ଗୀତରେ ଝୁମିଲା ପରବ ମଞ୍ଚ
ଦୁଇଦିନ ଧରି ଚାଲିବାକୁ ଥିବା ଏହି ଉତ୍ସବର ପ୍ରାରମ୍ଭିକ ସଭାରେ କୋରାପୁଟ ବିଧାୟକ ରଘୁରାମ ପଡାଲ ମୁଖ୍ୟ ଅତିଥି ଭାବେ ଯୋଗଦେଇ ପରବ 24ବର୍ଷର ଗରିମାମୟ ଇତିହାସର ବର୍ଣ୍ଣନା କରିଥିଲେ । ଏହି ଉତ୍ସବ ମାଧ୍ୟମରେ ଲୁକ୍କାୟିତ କଳା ଓ ପ୍ରତିଭା ଲୋକଲୋଚନକୁ ଆସିପାରିଛି ବୋଲି ସେ ମତବ୍ୟକ୍ତ କରିଥିଲେ ।
ଏହି ପ୍ରତିଯୋଗିତାରେ ଜିଲ୍ଲାର 14ଟି ବ୍ଲକ ଓ 4ଟି ସହରାଞ୍ଚଳରୁ ବଛା ହୋଇ ଆସିଥିବା କଳାକାର ଲୋକନୃତ୍ୟ, ଲୋକ ସଙ୍ଗୀତ ଓ ପାରମ୍ପରିକ ବାଦ୍ୟର ଅଂଶ ଗ୍ରହଣ କରିଛନ୍ତି । ପାରମ୍ପରିକ ନୃତ୍ୟରେ ଆଧୁନିକ ମିଶ୍ରଣକୁ ନେଇ ଚର୍ଚ୍ଚା ଲାଗି ରହିଥିବା ବେଳେ ବିଭିନ୍ନ କଳାକାରଙ୍କ ଦ୍ବାରା ପରିବେଷଣ କରାଯାଇଥିବା ପାରମ୍ପରିକ ସଙ୍ଗୀତ ଓ ନୃତ୍ୟ ଦର୍ଶକଙ୍କ ମନ ମୋହିଥିଲା ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
