କୋରାପୁଟ: ପାଟ୍ରୋଲିଂ ସମୟରେ ୪ ଲକ୍ଷ ୫୦ ହଜାର ଟଙ୍କାର ଗଞ୍ଜେଇ ଜବତ କରିବାରେ ସଫଳ ହୋଇଛି ମାଛକୁଣ୍ଡ ପୋଲିସ । ଏଥିସହିତ ଗୋଟିଏ ଅଟୋ ଓ ଗୋଟିଏ ବାଇକ ଜବତ କରିବା ସହ ୩ ଜଣ ଗଞ୍ଜେଇ ମାଫିଆକୁ ମଧ୍ୟ ପୋଲିସ ଗିରଫ କରିଛି । ଲମତାପୁଟ ଓ ମାଛକୁଣ୍ଡ ପୋଲିସ କୋରାପୁଟ ଏସପିଙ୍କ ନିର୍ଦ୍ଦେଶକ ଏବଂ ନନ୍ଦପୁର ଏସଡିପିଓଙ୍କ ନେତୃତ୍ବରେ ଏକ ଟିମ କରି ଗାଁ ନିକଟରେ ପାଟ୍ରୋଲିଂ କରୁଥିଲେ । ଠିକ ସେହି ସମୟରେ ଆନ୍ଧ୍ର ସୀମାନ୍ତ ପାଡୁଆ ଅଞ୍ଚଳରୁ ଆସୁଥିବା ଏକ ଗଞ୍ଜେଇ ଭର୍ତ୍ତି ଅଟୋକୁ ଅଟକ ରଖି ଯାଞ୍ଚ କରିଥିଲେ ।
କୋରାପୁଟ ଗଞ୍ଜେଇ ଭର୍ତ୍ତି ଅଟୋ ସହ ୩ ଗିରଫ
ସେହି ଅଟୋରୁ ୧୪୦ କେଜି ୫୦୦ ଗ୍ରାମ ଗଞ୍ଜେଇ ଜବତ କରିଥିଲେ । ଜବତ ଗଞ୍ଜେଇର ହାରାହାରି ମୂଲ୍ୟ ୪ ଲକ୍ଷ ୫୦ ହଜାର ହେବ ବୋଲି ପୋଲିସ ସୂଚନା ଦେଇଛି । ପାଡୁଆ ଅଞ୍ଚଳରୁ କଳାହାଣ୍ଡିକୁ ଗଞ୍ଜେଇ ଚୋରାଚାଲାଣ କରୁଥିବା ପାଡୁଆ ଗାଁର ଭିମ ଖିଲ, କଳାହାଣ୍ଡିର ଗୁପ୍ତେଶ୍ଵର ପୂଜାରୀ ଓ ନୂଆପଡା ଗାଁର ସ୍ଵାଦାମଣି ମେହେରକୁ ମାଛକୁଣ୍ଡ ପୋଲିସ ଗିରଫ କରିବାରେ ସଫଳ ହୋଇଛି ।
କୋରାପୁଟରୁ ସି.ଏଚ ଶାନ୍ତାକାର, ଇଟିଭି ଭାରତ
