କୋରାପୁଟ: ବଙ୍ଗଳାଗୁଡା ନିକଟ ୩୨୬ ନମ୍ବର ଜାତୀୟ ରାଜପଥରେ ବ୍ରିଜ ଭୁଶୁଡିବା ଘଟଣାକୁ ଇତିମଧ୍ୟରେ ଦୁଇ ଦିନ ବିତିଛି । ବ୍ରିଜ ଭାଙ୍ଗିବା କାରଣରୁ କୋରାପୁଟ ଓ ରାୟଗଡା ମଧ୍ୟରେ ଗମନାଗମନ ପ୍ରଭାବିତ ହୋଇଛି । ଏହାରି ଭିତରେ ବୁଧବାର ପୂର୍ବାହ୍ନ ସମୟରେ ଭୁଶୁଡି ପଡିଥିବା ଏହି ବ୍ରିଜର ଅନୁଧ୍ୟାନ ପାଇଁ କୋରାପୁଟ ବଙ୍ଗଳାଗୁଡାରେ ପହଞ୍ଚିଛନ୍ତି ଉଚ୍ଚସ୍ତରୀୟ ଟିମ୍ । ଭୁବନେଶ୍ବରରୁ ମୁଖ୍ୟ ନିର୍ବାହୀ ଯନ୍ତ୍ରୀ ମହେଶ ମହାନ୍ତି ଓ କେନ୍ଦ୍ର ମନ୍ତ୍ରାଣାଳୟରୁ ଆଞ୍ଚଳିକ ଅଧିକାରୀ ପ୍ରସନ୍ନ କୁମାର ସେନାପତିଙ୍କ ଏହି ଟିମ୍ ଘଟଣାରେ ତନଖି କରିଛନ୍ତି ।
ଏହାମଧ୍ୟ ପଢନ୍ତୁ: ବର୍ଷାରେ ଭାଙ୍ଗିଲା ପୋଲ, ଯାତାୟତ ବାଧାପ୍ରାପ୍ତ
ବୁଧବାର ପୂର୍ବାହ୍ନ ୧ଟା ସମୟରେ ଏହି ଟିମ୍ ଆସି କୋରାପୁଟରେ ପହଞ୍ଚିବା ପରେ ଘଟଣାସ୍ଥଳକୁ ଯାଇଥିଲେ । ଏହି ଉଚ୍ଚସ୍ତରୀୟ ଟିମ୍ ଆପ୍ରୋଚ ରୋଡ ପାଇଁ ଡାଇଗ୍ରାମ କାଟିଥିବା ବେଳେ ସମୟକ୍ରମେ ବ୍ରିଜ୍ ତିଆରି ପାଇଁ ଯୋଜନା କରାଯିବ ବୋଲି ଜଣାପଡିଛି । ପ୍ରକାଶଥାଉ କି, ଭୀଷଣ ବର୍ଷା ଯୋଗୁଁ ମଙ୍ଗଳବାର ରାୟଗଡ଼ା ଜାତୀୟ ରାଜପଥରେ ବଙ୍ଗଳାଗୁଡା ଓ ଲେନ୍ଦିରି ମାଲିଗୁଡ଼ା ମଧ୍ୟରେ ଥିବା ଏହି ବ୍ରିଜ ଭୁଶୁଡି ପଡିଥିଲା ।
ଇଟିଭି ଭାରତ, କୋରାପୁଟ
