କୋରାପୁଟ: ମୁଣ୍ଡ ଉପରେ ବଡଙ୍କ ହାତ ଥିଲେ ଜୀବନ ଯୁଦ୍ଧରେ ବିଜୟ ସହଜ ହୋଇଯାଏ । ବାପା ମାଆଙ୍କ ପରେ ସମସ୍ତଙ୍କ ଜୀବନରେ ଜେଜେବାପା ଓ ଜେଜେମାଆଙ୍କ ଗୁଗୁତ୍ବପୂର୍ଣ୍ଣ ଭୂମିକା ରହିଥାଏ । ତାଙ୍କଠୁ କାହାଣୀ ଶୁଣିବା ହେଉ ବା ଶ୍ରଦ୍ଧା ସବୁ ଜୀବନବ୍ୟାପି ମନରେ ସାଇତି ହୋଇ ରହିଥାଏ । ସେମାନଙ୍କର ଅଭିଜ୍ଞତାର ସମ୍ପଦ ମାଧ୍ୟମରେ ପାରମ୍ପାରିକ ଜ୍ଞାନ ଏବଂ ସାଂସ୍କୃତିକ ମୂଲ୍ୟବୋଧ ପ୍ରଦାନ କରି ଜୀବନର ମାର୍ଗଦର୍ଶକ ସାଜନ୍ତି । ଜୀବନରେ ସେମାନଙ୍କ ମୂଲ୍ୟକୁ ହୃଦୟଙ୍ଗମ କରି କୋରାପୁଟ ସ୍ଥିତ କେନ୍ଦ୍ରୀୟ ବିଦ୍ୟାଳୟରେ ଗ୍ରାଣ୍ଡ ପାରେଣ୍ଟସ ଡେ' ପାଳିତ ହୋଇଯାଇଛି ।
ଏହି ଅବସରରେ ପିଲାମାନେ ସେମାନଙ୍କର ଅଜା, ଆଈ, ଜେଜେବାପା ଓ ଜେଜେମାଆଙ୍କ ବିଦ୍ୟାଳୟକୁ ସାଙ୍ଗରେ ନେଇ ଆସିଥିଲେ । ତେବେ ପିଲାମାନେ ସେମାନଙ୍କୁ ମଞ୍ଚରେ ଶୁଣିବାର ସୁଯୋଗ ପାଇ ଯେତିକି ଖୁସି ହୋଇଥିଲେ । ବୟସର ଅପରାହ୍ନରେ ଏକାକୀ ପଣକୁ କିଛି ସମୟ ପାଇଁ ଦୁରେଇ ଦେଇ ବୟସ୍କ ମହିଳା ଓ ପୁରୁଷ ତା ଠାରୁ ଅଧିକ ଆନନ୍ଦିତ ହୋଇ ଉଠିଥିଲେ । ପିଲାମାନଙ୍କର ସର୍ବାଙ୍ଗୀନ ବିକାଶରେ ଜେଜେବାପା, ଜେଜେମାଆ ଓ ଅଜା ଆଈ ଏକ ପ୍ରମୁଖ ଭୂମିକା ଗ୍ରହଣ କରନ୍ତି । ଜେଜେବାପାମାନେ ପ୍ରାୟତଃ ଭାବପ୍ରବଣ ପ୍ରବକ୍ତା ଭାବରେ କାର୍ଯ୍ୟ କରନ୍ତି, ସୁରକ୍ଷା ଏବଂ ସର୍ତ୍ତମୂଳକ ପ୍ରେମ ପ୍ରଦାନ କରନ୍ତି । ସେମାନଙ୍କ ସହିତ କଥାବାର୍ତ୍ତା ଏକ ଶିଶୁର ସାମାଜିକ ଦକ୍ଷତା, ସହାନୁଭୂତି ଏବଂ ସ୍ଥିରତାକୁ ବଢ଼ାଇଥାଏ । କାହାଣୀ ଏବଂ ଅଂଶୀଦାରିତ କାର୍ଯ୍ୟକଳାପ ପାରିବାରିକ ଐତିହ୍ୟକୁ ବଞ୍ଚାଇ ତିନି ପିଢ଼ି ମଧ୍ୟରେ ଏକ ସେତୁ ସୃଷ୍ଟି କରେ ।
ଜେଜେ ଏକ ଶିଶୁର ଭାବପ୍ରବଣତା ଏବଂ ଜ୍ଞାନଗତ ଅଭିବୃଦ୍ଧିରେ ମହତ୍ୱପୂର୍ଣ୍ଣ ଯୋଗଦାନ ଦିଅନ୍ତି । ସେହିପରି ମୂଲ୍ୟବୋଧ ଏବଂ ଆନ୍ତରିକ ସଂଯୋଗର ଏକ ଦୃଢ ମୂଳଦୁଆ ସହିତ ସୁ-ଗୋଲାକାର ବ୍ୟକ୍ତିବିଶେଷ ଗଠନ କରନ୍ତି ବୋଲି ଡାକ୍ତର ନିଜ ବକ୍ତବ୍ୟରେ ଉପସ୍ଥାପନା କରିଛନ୍ତି । ସେହିପରି ଶିଶୁର ସର୍ବାଙ୍ଗୀନ ଉନ୍ନତି ପାଇଁ ଏକ ସୁସ୍ଥ ପରିବେଶ ଦରକାର ହେଉଥିବା ବେଳେ ଏହି ଆବଶ୍ୟକତାକୁ ଜେଜେବାପା, ଜେଜେମା, ଅଜା, ଆଈ ସର୍ବୋତ୍କୃଷ୍ଟ ଭାବେ ପୂରଣ କରିପାରିବେ ବୋଲି ଶହୀଦ ଲକ୍ଷ୍ମଣ ନାୟକ ମେଡ଼ିକାଲ କଲେଜର ଆସିଷ୍ଟାଣ୍ଟ ପ୍ରଫେସର ସଞ୍ଜିତ ଶତପଥୀ ମତ ରଖିଛନ୍ତି ।
ଏହା ମଧ୍ୟ ପଢନ୍ତୁ- ବାପା ମା ଛାଡ଼ିଦେବା ପରେ ବଞ୍ଚିବାର ରାହା ଖୋଜୁଛନ୍ତି ଭାଇ ଭଉଣୀ, ସରକାରୀ ସହାୟତାକୁ ଅପେକ୍ଷା
ତେବେ ଏକକ ପରିବାରର ପ୍ରସାର ଘଟୁଥିବା ସମୟରେ ଗୋଟିଏ ପିଢ଼ି ଓ ଅନ୍ୟ ପିଢ଼ି ମଧ୍ୟରେ ଦୂରତା ବୃଦ୍ଧି ପାଉଥିବା ନେଇ ବିଦ୍ୟାଳୟର ଅଧ୍ୟକ୍ଷ ପ୍ରଦୀପ କମାନୋ କ୍ଷୋଭ ପ୍ରକାଶ କରିଛନ୍ତି । ଏପରି ଏକ ପରିସ୍ଥିତିରେ ଗୋଟିଏ ପୁରାତନ ପିଢ଼ି ଓ ବର୍ତ୍ତମାନର ନୂତନ ପିଢ଼ି ମଧ୍ୟରେ ସେତୁ ନିର୍ମାଣ କରିବା ଉଦ୍ଦେଶ୍ୟରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିବା ବିଦ୍ୟାଳୟର ଅଧ୍ୟକ୍ଷ ଜଣାଇଛନ୍ତି ।
ଇଟିିଭି ଭାରତ, କୋରାପୁଟ
