କୋରାପୁଟ: ବୁଧବାର ଜାତୀୟ ବରିଷ୍ଠ ନାଗରିକ ଦିବସ ଅବସରରେ ଓଡ଼ିଶାର ପୂର୍ବତନ ମନ୍ତ୍ରୀ ତଥା ବିଜେପିର ବରିଷ୍ଠ ନେତା ମନମୋହନ ସାମଲ କୋରାପୁଟ ଗସ୍ତ କରିଥିଲେ । ଏହି ଅବସରରେ ବିଶିଷ୍ଟ ଗବେଷକ ତଥା ଅବସରପ୍ରାପ୍ତ ପ୍ରଧାନ ଶିକ୍ଷକ ଉମାକାନ୍ତ ଦାସଙ୍କ ବାସଭବନକୁ ଯାଇ ତାଙ୍କୁ ସମ୍ମାନିତ କରିଥିଲେ । ଏହାସହ ବିଜେପି ଜନଜାଗରଣ ଯାତ୍ରା ନେଇ ତାଙ୍କ ସହ ଆଲୋଚନା କରିଥିଲେ ।
ବରିଷ୍ଠ ନାଗରିକଙ୍କୁ ଭେଟିଲେ ବିଜେପି ନେତା ମନମୋହନ ସାମଲ
ଦୀର୍ଘ ସମୟ ଧରି କୋରାପୁଟର ଇତିହାସ ଓ ଦେଶର ବର୍ତ୍ତମାନର ସ୍ଥିତି ସମ୍ପର୍କରେ ଶିକ୍ଷକ ଦାସଙ୍କ ସହ ଆଲୋଚନା କରିବା ସହ କିଛିଦିନ ପୂର୍ବେ କେନ୍ଦ୍ର ସରକାରଙ୍କ ଦ୍ବାରା ଜମ୍ମୁ ଓ କଶ୍ମୀରରୁ 370 ଧାରା ଉଚ୍ଛେଦ ଉପରେ ମଧ୍ୟ ତାଙ୍କ ମତାମତ ଲୋଡିଥିଲେ । ଏହିପରି ଭାବେ ସାରାଦେଶରେ କେନ୍ଦ୍ର ସରକାରଙ୍କ ବିଭିନ୍ନ ଗୁରୁତ୍ବପୂର୍ଣ୍ଣ ଯୋଜନା ସମ୍ପର୍କରେ ମତ ସଂଗ୍ରହ କରାଯାଉଥିବା ଶ୍ରୀ ସାମଲ ଜଣାଇଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
