କୋରାପୁଟ: ପିଲାଙ୍କ ଖେଳରୁ ଚାହୁଁ ଚାହୁଁ ପୋଡି ଯାଇଛି ଧାନଖଳାରେ ଥିବା ପାଳଗଦା । ଘଟଣାଟି ହେଉଛି ପଟ୍ଟାଙ୍ଗୀ ବ୍ଲକ ମାଳିଗୁଡା ଅଞ୍ଚଳର । ସୂଚନା ଅନୁଯାୟୀ ସୋମବାର ଅପରାହ୍ନରେ ପିଲାମାନେ କ୍ଷେତ ପାଖରେ ଖେଳୁଥିବା ସମୟରେ ଏକ ଜଳୁଥିବା ଦିଆସିଲି କାଠି ଧାନଖଳାକୁ ଫିଙ୍ଗି ଦେଇଥିଲେ ।
ପିଲା ଖେଳରୁ ଧାନ କ୍ଷେତରେ ଲାଗିଲା ନିଆଁ
ଏଥିରେ ଧାନଖଳାରେ ଥିବା ପାଳଗଦାରେ ନିଆଁ ଲାଗିବା ସହ ଏହା ପାଖରେ ଥିବା ଅନ୍ୟ 4ଟି ପାଳଗଦାକୁ ବ୍ୟାପିଥିଲା । ତେବେ ସମ୍ପୃକ୍ତ ଘଟଣାରେ କେହି ଆହତ ହୋଇଥିବା ସୂଚନା ନାହିଁ । ଅନ୍ୟପଟେ କ୍ଷତି ସହିଥିବା ଚାଷୀମାନେ ସହାୟତା ପାଇଁ ପ୍ରଶାସନ ପାଖରେ ନିବେଦନ କରିଛନ୍ତି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
