କୋରାପୁଟ: କୋଭିଡ ପ୍ରଭାବ ଯୋଗୁ ଦୀର୍ଘ 8 ମାସ ପରେ କୋରାପୁଟ ଜିଲ୍ଲା ପରିଷଦ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଡିଭାଲ୍ୟୁସନ ଫଣ୍ଡ ଓ ଅନ୍ୟାନ୍ୟ ଖର୍ଚର ଅନୁମୋଦନ କରାଯାଇଥିବା ଜିଲ୍ଲା ପରିଷଦ ଅଧ୍ୟକ୍ଷା ତୁଳସୀ କିରସାନି ସୂଚନା ଦେଇଛନ୍ତି । ପ୍ରାପ୍ତ ଡିଭୋଲ୍ୟୁସନ ଫଣ୍ଡକୁ ବ୍ଲକ ପିଛା 14 ଲକ୍ଷ 57 ହଜାର ଟଙ୍କା ଖର୍ଚ୍ଚ କରିବା ପାଇଁ ଅନୁମୋଦନ କରାଯାଇଛି । ତେବେ ବ୍ଲକ ଅଞ୍ଚଳରେ ଏହି ପାଣ୍ଠି ଖର୍ଚ୍ଚ ହେବା ସମୟରେ ସଦସ୍ୟଙ୍କୁ ଜଣାଯାଉନଥିବା ସଦସ୍ୟମାନେ ଅଭିଯୋଗ କରିଛନ୍ତି ।
8 ମାସ ପରେ ବସିଲା କୋରାପୁଟ ଜିଲ୍ଲା ପରିଷଦ ବୈଠକ
ଜିଲ୍ଲା ପରିଷଦ ସଦସ୍ୟଙ୍କ ମାଧ୍ୟମରେ କିଛି ଅର୍ଥକୁ ଅଞ୍ଚଳର ବିକାଶ କାର୍ଯ୍ୟରେ ବିନିଯୋଗ କରିବା ପାଇଁ ଦାବି ଉପସ୍ଥାପନ କରାଯାଇଥିବା ଜିଲ୍ଲା ପରିଷଦ ସଭ୍ୟ ନାରାୟଣ ରାଓ କହିଛନ୍ତି । ଏହି ବୈଠକରେ ହସ୍ତତନ୍ତ ଓ ବୟନଶିଳ୍ପ ମନ୍ତ୍ରୀ ପଦ୍ମିନୀ ଦିୟାନ, ଜୟପୁର ଓ କୋରାପୁଟ ବିଧାୟକଙ୍କ ସମେତ ଜିଲ୍ଲାପାଳ ମଧୁସୂଦନ ମିଶ୍ର ଉପସ୍ଥିତ ଥିଲେ ।
କୋରାପୁଟରୁ ସି ଏଚ ଶାନ୍ତାକାର, ଇଟିଭି ଭାରତ
