କୋରାପୁଟ: ଆସନ୍ତା 11 ତାରିଖରୁ ଜିଲ୍ଲାରେ ଆରମ୍ଭ ହେବ ଦିବ୍ୟାଙ୍ଗ ଶିଶୁ ଗଣନା । 0 ରୁ ୬ ବର୍ଷ ମଧ୍ୟରେ ଥିବା ଦିବ୍ୟାଙ୍ଗ ଶିଶୁଙ୍କ ସଂଖ୍ୟା ଗଣନା ଆରମ୍ଭ ହେବ ବୋଲି ଜିଲ୍ଲା ସାମାଜିକ ସୁରକ୍ଷା ଅଧିକାରୀ ସିମାଞ୍ଚଳ ମହାପାତ୍ର ଜଣାଇଛନ୍ତି । ଏନେଇ ଜିଲ୍ଲାର ବିଭିନ୍ନ ବ୍ଲକରୁ ଆସିଥିବା ମାଷ୍ଟର ଟ୍ରେନର ମାନଙ୍କୁ ଏହି ସର୍ଭେ ପ୍ରକ୍ରିୟା ଓ ଦିବ୍ୟାଙ୍ଗ ଚିହ୍ନଟ କରିବାର ଧାରା ସମ୍ପର୍କରେ ବୁଝାଇ ଦିଆଯାଇଛି ।
ଆସନ୍ତା ୧୧ରୁ ଆରମ୍ଭ ହେବ ଦିବ୍ୟାଙ୍ଗ ଶିଶୁ ଗଣନା
ଏହି ମାଷ୍ଟର ଟ୍ରେନରମାନେ ନିଜ ନିଜ ବ୍ଲକରେ ଅଙ୍ଗନବାଡି କର୍ମୀଙ୍କୁ ତାଲିମ ଦେବେ । ଏହି ପ୍ରକ୍ରିୟାରେ ସମୁଦାୟ 21 ପ୍ରକାରର ଦିବ୍ୟାଙ୍ଗ ଶିଶୁଙ୍କ ଗଣନା ଜିଲ୍ଲାରେ ଥିବା 3200ଟି ଅଙ୍ଗନବାଡି କେନ୍ଦ୍ର ମାଧ୍ୟମରେ କରାଯିବ । ଏହା ଅଗଷ୍ଟ ମାସ 25 ତାରିଖରେ ସମାପ୍ତ ହେବ ବୋଲି ସୂଚନା ମିଳିଛି ।
କୋରାପୁଟରୁ ସିଏଚ. ଶାନ୍ତାକାର , ଇଟିଭି ଭାରତ
