କୋରାପୁଟ: ପାଟଣାଗଡ ବିଧାୟକଙ୍କ ଦବଙ୍ଗଗିରି ଘଟଣାକୁ ନେଇ ଚାରିଆଡେ ଜନ ଅସନ୍ତୋଷ ତେଜୁଛି । ବିଧାୟକ କନିଷ୍ଠ ଯନ୍ତ୍ରୀଙ୍କୁ ଦଣ୍ଡ ବିଧାନ କରିବା ଘଟଣା ପ୍ରତିବାଦରେ ଓଡିଶା କନିଷ୍ଠ ଯନ୍ତ୍ରୀ କୋରାପୁଟ ସଂଘ ପକ୍ଷରୁ ଜିଲ୍ଲାପାଳଙ୍କୁ ଦାବି ପତ୍ର ପ୍ରଦାନ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ସେହିପରି କୁନ୍ଦୁରା ବ୍ଲକରେ ଜଣେ ଜିଲ୍ଲା ପରିଷଦ ସଦସ୍ୟଙ୍କ ଦ୍ୱାରା ସେଠାକାର କନିଷ୍ଠ ଯନ୍ତ୍ରୀଙ୍କ ପ୍ରତି କରାଯାଇଥିବା ଦୁର୍ବ୍ୟବହାରକୁ ମଧ୍ୟ ସଂଘ ନିନ୍ଦା କରିଛି । ରାଜନୈତିକ ନେତୃବର୍ଗଙ୍କ ମଧ୍ୟରେ ସରକାରୀ କର୍ମଚାରୀଙ୍କ ପ୍ରତି ବୃଦ୍ଧି ପାଉଥବା ଅସଦାଚରଣ ଘଟଣାକୁ ନେଇ ବରିଷ୍ଠ କଂଗ୍ରସ ନେତା ନିମାଇଁ ସରକାର ଦୁଃଖ ପ୍ରକାଶ କରିଛନ୍ତି ।
ରାଜନୈତିକ ନେତା ମାନେ ଯେମିତି ଜନତାର ସେବା କରିବାକୁ ଆସିଛନ୍ତି ସରକାରୀ କର୍ମଚାରୀ ମଧ୍ୟ ଅନୁରୂପ ଭାବେ ସେବା କରିବା ପାଇଁ ନିୟୋଜିତ ହୋଇଛନ୍ତି । ତେଣୁ ସେମାନଙ୍କୁ ଦୁଃର୍ବ୍ୟବହାର ଅଗଣତାନ୍ତ୍ରିକ ବୋଲି ମତପ୍ରକାଶ ପାଇଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
