କୋରାପୁଟ: ଜାତୀୟ ଶିକ୍ଷାନୀତିକୁ ପୁରିଛି ତିନି ବର୍ଷ । ଜାତୀୟ ଶିକ୍ଷା ନୀତି ପ୍ରଥମେ 6 ବର୍ଷରୁ ଊର୍ଦ୍ଧ୍ବ ପିଲାଙ୍କ ପାଇଁ ପାଠ୍ୟକ୍ରମ ବ୍ୟବସ୍ଥା ଥିବା ବେଳେ ଚଳିତ ବର୍ଷ ଶିକ୍ଷାନୀତିରେ ୩ ବର୍ଷରୁ ଉର୍ଦ୍ଧ୍ବ ପିଲାଙ୍କ ଆଡମିଶନ ପାଇଁ କେନ୍ଦ୍ରୀୟ ବିଦ୍ୟାଳୟରେ ବାଲ ବାଟିକା ପାଠ୍ୟକ୍ରମ ବ୍ୟବସ୍ଥା ଆରମ୍ଭ ହୋଇଛି । କୋରାପୁଟ ସ୍ଥିତ କେନ୍ଦ୍ରୀୟ ବିଦ୍ୟାଳୟରେ ପ୍ରଥମ ଥର ପାଇଁ ବାଲ ବାଟିକା ଖୋଲିଛି । ଏହି ଅବସରରେ ବାଲ ବାଟିକାରେ ଯୋଗ ଦେଇଥିବା ଛାତ୍ରଛାତ୍ରୀଙ୍କ ଅଭିଭାବକଙ୍କୁ ନେଇ ବିଦ୍ୟାଳୟରେ ଏକ କର୍ମଶାଳା ମଧ୍ୟ ଆୟୋଜିତ ହୋଇଥିଲା ।
ବିଦ୍ୟାଳୟର ଅଧ୍ୟକ୍ଷଙ୍କ କହିବା ଅନୁଯାୟୀ,'' ଶିକ୍ଷକମାନେ ଜାତୀୟ ଶିକ୍ଷା ନୀତି (NEP) ସହିତ ନୂତନ ପଦ୍ଧତି ବ୍ୟବହାର କରି ଶିକ୍ଷାକୁ ସହଜ କରୁଛନ୍ତି । ଏନଇପି ପିଲାମାନଙ୍କର ବିକାଶ ପାଇଁ ନୂଆ ଦିଗ ଖୋଲିଛି । ପୂର୍ବରୁ ପିଲାମାନେ ବିଷୟ ଗୁଡିକୁ ମୁଖସ୍ଥ କରି ପରୀକ୍ଷା ଦେଉଥିଲେ, କିନ୍ତୁ ବର୍ତ୍ତମାନ ପିଲାମାନଙ୍କୁ ଡିଜିଟାଲ, କ୍ରୀଡା ଏବଂ ସାଂସ୍କୃତିକ ପଦ୍ଧତି ମାଧ୍ୟମରେ ଶିକ୍ଷା ଦିଆଯାଉଛି । ଯାହା ପିଲାମାନଙ୍କୁ ସେମାନଙ୍କର ବିକାଶରେ ଅଧିକ ସାହାଯ୍ୟ କରୁଛି । ଶିକ୍ଷାଦାନ ସହିତ ମାନସିକ ଏବଂ ଶାରୀରିକ ବିକାଶ ପ୍ରତି ଧ୍ୟାନ ଦିଆଯାଉଛି । ଜାତୀୟ ସ୍ତରରେ ନିରନ୍ତର ବିକାଶ ଉପରେ ଗୁରୁତ୍ୱ ଦିଆଯାଉଥିବା ବେଳେ ଏହି ଶିକ୍ଷାନୁଷ୍ଠାନ ମଧ୍ୟରେ ଛାତ୍ରଛାତ୍ରୀ ଓ ଶିକ୍ଷକଙ୍କ ମଧ୍ୟରେ ସମ୍ପର୍କକୁ ସୁଦୃଢ଼ କରି ଅନୁଷ୍ଠାନରେ ଚାଲିଥିବା ପ୍ରତିଟି ସୃଜନଶୀଳ କାର୍ଯ୍ୟକୁ ବିସ୍ତାର କରିବାର ଲକ୍ଷ୍ୟ ରହିଥିବା କେନ୍ଦ୍ରୀୟ ବିଦ୍ୟାଳୟର ଅଧ୍ୟକ୍ଷ ମତ ରଖିଛନ୍ତି । ''
ସେ ଆହୁରି ମଧ୍ୟ କହିଛନ୍ତି ଯେ, ଏହି ଅନୁଷ୍ଠାନରେ ଛାତ୍ରଛାତ୍ରୀ ଏକ ମୁକ୍ତ ଶିକ୍ଷଣୀୟ ପରିବେଶରେ ଅଧ୍ୟୟନ କରୁଛନ୍ତି । ନିଜ ନିଜ କଳା ଓ ଦକ୍ଷତାକୁ ଜାତୀୟ ସ୍ତରରେ ପ୍ରଦର୍ଶନ କରି ଆମ ଅନୁଷ୍ଠାନ ପୁରସ୍କୃତ ହୋଇଛି । ଏଠାରେ କିପରି ଛାତ୍ରଛାତ୍ରୀଙ୍କ ବହିବସ୍ତାନୀର ବୋଝ କମିବ ଓ ଶିକ୍ଷାରେ ଅଗ୍ରଗତି ଘଟିବ ସେ ଦିଗରେ ନିରନ୍ତର କାର୍ଯ୍ୟ କରାଯାଉଛି । ଆମ ଅନୁଷ୍ଠାନରେ ଛାତ୍ରଛାତ୍ରୀ ଏକ ନୂତନ ଶୀର୍ଷକୁ ଛୁଇଁ ପାରିବେ ବୋଲି ସେ ଆଶାପୋଷଣ କରିଛନ୍ତି ।
ଏହା ମଧ୍ୟ ପଢନ୍ତୁ-ଜାତୀୟ ଶିକ୍ଷା ନୀତିକୁ ପୁରିଲା ୩ୟ ବର୍ଷ, ଆତ୍ମନିର୍ଭରଶୀଳତା ଶିକ୍ଷାନୀତିର ମୂଳ ଲକ୍ଷ୍ୟ
''କେନ୍ଦ୍ରୀୟ ବିଦ୍ୟାଳୟ କ୍ୟାମ୍ପସରେ ଏକ ଭାଷା ଲାବ୍ରୋଟୋରୀ ପ୍ରତିଷ୍ଠା କରାଯାଇଛି । ଭାଷା ଉପରେ ଗବେଷଣା ଚାଲିଥିବାବେଳେ ଇଣ୍ଡିଆନ୍ ନଲେଜ୍ ସିଷ୍ଟମ୍, ଭାଷା, ସଂସ୍କୃତି, ଦେଶପ୍ରେମ ଏବଂ ମୂଲ୍ୟବୋଧକୁ ଗୁରୁତ୍ୱ ଦିଆଯାଇଛି। ଯାହାକି ଭାରତୀୟ ଭାଷା ଉପରେ ଏକ ବିଶେଷ ଧ୍ୟାନ ଦେଇ ମାତୃଭାଷା, ଓଡିଆ ଏବଂ ହିନ୍ଦୀକୁ ପ୍ରୋତ୍ସାହିତ କରିଥାଏ । ଶିକ୍ଷାଦାନ-ଶିକ୍ଷଣ ଅଭିଜ୍ଞତା ଏବଂ ଶିକ୍ଷାର୍ଥୀ କେନ୍ଦ୍ରିକ ଶ୍ରେଣୀଗୃହ କାରବାରକୁ ବୃଦ୍ଧି କରିବା ପାଇଁ ଡିଜିଟାଲ୍ ଟେକ୍ନୋଲୋଜିର ବ୍ୟବହାର ଆରମ୍ଭ କରିଛନ୍ତି । ଯାହାକି କାର୍ଯ୍ୟକଳାପ ଭିତ୍ତିକ ଶିକ୍ଷଣ, ପରୀକ୍ଷାମୂଳକ ଶିକ୍ଷଣ ଉପରେ ଗୁରୁତ୍ୱ ଦେଇଛି । କ୍ରିଏଟିଭ୍ ଏବଂ ମହତ୍ବପୂର୍ଣ୍ଣ ଚିନ୍ତାଧାରା ପରୀକ୍ଷଣର ନିୟମିତ ଆଚରଣ ଏବଂ ଅଭ୍ୟାସ ଦ୍ୱାରା ଜାତୀୟ ଶିଶୁ ବିଜ୍ଞାନ ଜାତୀୟ ସ୍ତରର କାର୍ଯ୍ୟକଳାପରେ ଛାତ୍ରମାନଙ୍କ ଅଂଶଗ୍ରହଣକୁ ପ୍ରୋତ୍ସାହିତ କରୁଛି। ଏଥିସହ ଏହି ଅନୁଷ୍ଠାନର ଛାତ୍ରଛାତ୍ରୀ ଜାତୀୟ ସ୍ତରର କ୍ରୀଡା ଇଭେଣ୍ଟରେ ଅଂଶଗ୍ରହଣ କରି କୋରାପୁଟ ଜିଲ୍ଲା ପାଇଁ ଗର୍ବ ଆଣିଛନ୍ତି। ''
କୋରାପୁଟ କେନ୍ଦ୍ରୀୟ ବିଦ୍ୟାଳୟରେ ବାଲବାଟିକା, ବିଦ୍ୟା ପ୍ରଭେଶ, ଛୋଟ ପିଲାମାନଙ୍କ ପାଇଁ ଭିତ୍ତିଭୂମି ସାକ୍ଷରତା ଏବଂ ସଂଖ୍ୟା ଭଳି ନୂତନ ତଥା ଅଭିନବ କାର୍ଯ୍ୟକ୍ରମ ଆରମ୍ଭ କରିଛନ୍ତି । ବହି ପ୍ରତି ଭଲପାଇବା ଏବଂ ଯତ୍ନର ଭାବନାକୁ ବିକଶିତ କରିବା, କାଗଜ ସଂରକ୍ଷଣ ଏବଂ ପରିବେଶକୁ ବଞ୍ଚାଇବା ପାଇଁ କୋରାପୁଟ କେନ୍ଦ୍ରୀୟ ବିଦ୍ୟାଳୟ ତରଫରୁ ପୁସ୍ତାକୋପାହର କାର୍ଯ୍ୟକଳାପ ଆରମ୍ଭ ହୋଇଛି । ଶିଶୁ ଛାତ୍ରମାନଙ୍କ ଲୁକାୟିତ ପ୍ରତିଭାକୁ ଆଗକୁ ଆଣିବା ପାଇଁ ଶିଶୁକେନ୍ଦ୍ରିତ ଚଳଚ୍ଚିତ୍ର ଏବଂ ରେଡିଓ କେଭିକେରେ ସାପ୍ତାହିକ ଶୋ ଆରମ୍ଭ ହୋଇଛି । ଜାତୀୟ ନୂତନ ଶିକ୍ଷା ନୀତି ଆଧାରରେ ଜାତୀୟ ସ୍ତରରେ ସମଗ୍ର ଦେଶରେ କେନ୍ଦ୍ରୀୟ ବିଦ୍ୟାଳୟ ସଂଗଠନ ଦ୍ୱାରା 450ଟି କେନ୍ଦ୍ରୀୟ ବିଦ୍ୟାଳୟରେ ବାଲ ବାଟିକା ଖୋଲାଯାଇଛି ।
