କୋରାପୁଟ: ଆଜି ଶାବର ଶ୍ରୀକ୍ଷେତ୍ର କୋରାପୁଟରେ ବାହୁଡା ଯାତ୍ରା। ଏନେଇ ଶାବର ଶ୍ରୀକ୍ଷେତ୍ର ଭକ୍ତିମୟ ପରିବେଶ ସୃଷ୍ଟି ହେଇଛି। ଚକ୍ରରାଜ ସୁଦର୍ଶନଙ୍କ ସହ ବଡଠାକୁର ପ୍ରଭୁ ବଳଭଦ୍ର, ଦେବୀ ସୁଭଦ୍ରା ଓ ମହାପ୍ରଭୁ ଜଗନ୍ନାଥ ଆଜି ଶ୍ରୀମନ୍ଦିରକୁ ବାହୁଡି ଯିବେ। ଏଥିପାଇଁ ଶାବର ଶ୍ରୀକ୍ଷେତ୍ରର ବଡଦାଣ୍ଡରେ କୋରାପୁଟର ବିଭିନ୍ଲ ଗାଁ ଗହଳିରୁ ଆସି ପହଁଞ୍ଚି ଯାଇଛନ୍ତି ଶ୍ରଦ୍ଧାଳୁ ।
ଆଜି ସକାଳୁ ବିଶେଷ ପୂଜାର୍ଚ୍ଚନା ସମ୍ପନ୍ନ ହେବା ପରେ ଚତୁର୍ଦ୍ଧାମୂର୍ତ୍ତି ବଡଦାଣ୍ଡରେ ଠିଆ ହୋଇଥିବା ତିନି ରଥ ଉପରକୁ ପହଣ୍ଡି ବିଜେ କରିଛନ୍ତି । ତେବେ ଅପରାହ୍ନ ଗୋଟାଏ ବେଳକୁ ରଥଟଣା ଆରମ୍ଭ ହେବ। ଏଥିପାଇଁ ବଡଦାଣ୍ଡରେ ଭକ୍ତଙ୍କ ଭିଡ ଦେଖିବାକୁ ମିଳିଲାଣି।
ସୂଚନାଥାଉକି, ଶ୍ରୀଗୁଣ୍ଡିଚା ମନ୍ଦିରରୁ ବାହାରି ତିନୋଟି ରଥ ମାଉସୀମାଙ୍କ ଘରେ ପହଁଞ୍ଚିଲା ପରେ କୋରାପୁଟ ଟାଉନ ପୋଲିସ ଥାନାର ଆଇଆଇସିଙ୍କ ପକ୍ଷରୁ ବିଭିନ୍ନ ମିଠା ଓ ବିଶେଷ କରି ପୋଡପିଠା ଭୋଗ ଲାଗି ହୋଇଥାଏ । ଏହାପରେ ଏହି ସବୁ ପ୍ରସାଦକୁ ସମସ୍ତେ ବାଣ୍ଟି ଖାଇବା ଶାବର ଶ୍ରୀକ୍ଷେତ୍ର ବାହୁଡା ଯାତ୍ରାର ବିଶେଷ ଆକର୍ଷଣ ।
କୋରାପୁଟରୁ ସି.ଏଚ୍ ଶାନ୍ତାକାର, ଇଟିଭି ଭାରତ
