କୋରାପୁଟ: ସହରରୁ ମାତ୍ର 6 କିଲୋମିଟର ଦୂର ଲାଣ୍ଡିଗୁଡା ନିକଟରେ କଦଳୀ ବୋଝେଇ ଟ୍ରକରୁ 3 କ୍ବିଣ୍ଟାଲ ଗଞ୍ଜେଇ ଜବତ କରିଛି କୋରୋପୁଟ ପୋଲିସ । ମଧ୍ୟପ୍ରଦେଶର ଦୁଇ ଜଣ ବ୍ୟକ୍ତି ଏହି ଟ୍ରକରେ ସାଲୁରରୁ କଦଳୀ ବୋଝେଇ କରି ରାୟପୁର ଅଭିମୁଖେ ଯାଉଥିବା କୋରାପୁଟ ଟାଉନ ଥାନାଧିକାରୀ ପୀତବାସ ଧାରୁଆ ସୂଚନା ଦେଇଛନ୍ତି ।
କୋରାପୁଟରେ କଦଳୀ ବୋଝେଇ ଟ୍ରକରୁ 3 କ୍ବିଣ୍ଟାଲ ଗଞ୍ଜେଇ ଜବତ
କୋରାପୁଟ ଜିଲ୍ଲାର ପଟ୍ଟାଙ୍ଗି ନିକଟରେ ଜଣେ ଯୁବକ ଏହି ଗଞ୍ଜେଇ ବସ୍ତା ସହ ସେ ଦୁଇ ଜଣଙ୍କୁ 50 ହଜାର ଟଙ୍କା ଦେଇଥିଲା । ବିଶେଷ ସୂତ୍ରରୁ ଖବର ପାଇ ପୋଲିସ ଏହି ଟ୍ରକ ସମେତ, ଗଞ୍ଜେଇ ଓ ଟଙ୍କାକୁ ଜବତ କରିଛି । ଗଞ୍ଜେଇ ଚାଲାଣ କରୁଥିବା ଅଭିଯୋଗରେ ଡ୍ରାଇଭର ଓ କ୍ଲିନରକୁ ଗିରଫ କରାଯାଇଥିବା ଥାନାଧିକାରୀ ଜଣାଇଛନ୍ତି ।
କୋରାପୁଟରୁ ସିଏଚ ସାନ୍ତାକାର, ଇଟିଭି ଭାରତ
