10 କ୍ବିଣ୍ଟାଲ ଗଞ୍ଜେଇ ଜବତ, 3 ଗିରଫ

କୋରାପୁଟ ଜିଲ୍ଲା ବୈପାରିଗୁଡା ଅଞ୍ଚଳରୁ ଏକ ପିକଅପ ଭ୍ୟାନରୁ 10 କ୍ବିଣ୍ଟାଲ ଗଞ୍ଜେଇ ଜବତ ହୋଇଛି । ଏନେଇ ସୂଚନା ଦେଇଛନ୍ତି ବୈପାରିଗୁଡା ଥାନାଧିକାରୀ ଅଂଶୁମାନ ଦ୍ବିବେଦୀ ।

କୋରାପୁଟ: ରବିବାର କୋରାପୁଟ ଜିଲ୍ଲା ବୈପାରିଗୁଡା ଅଞ୍ଚଳରୁ ଏକ ପିକଅପ ଭ୍ୟାନରୁ 10 କ୍ବିଣ୍ଟାଲ ଗଞ୍ଜେଇ ଜବତ ହୋଇଛି । ଏନେଇ ସୂଚନା ଦେଇଛନ୍ତି ବୈପାରିଗୁଡା ଥାନାଧିକାରୀ ଅଂଶୁମାନ ଦ୍ବିବେଦୀ ।

ସୂଚନା ଅନୁଯାୟୀ, ଗତ ରବିବାର ଏକ ପିକଅପ୍ ଭ୍ୟାନରେ ଗଞ୍ଜେଇ ଚୋରା ଚାଲାଣ ହେଉଥିବା ନେଇ ପୋଲିସକୁ ଖବର ମିଳିଥିଲା । ଏହାପରେ ପୋଲିସ ଚଢାଉ କରି ଗାଡିରୁ 10 କ୍ବିଣ୍ଟାଲ ଗଞ୍ଜେଇ ସହ ତିନିଜଣ ସ୍ଥାନୀୟ ଚାଲାଣକାରୀଙ୍କୁ ଗିରଫ କରିଛନ୍ତି । ଗିରଫ ହୋଇଥିବା ଅଭିଯୁକ୍ତ ଯୁବକମାନେ ହେଲେ ଅର୍ଜୁନ ମାଛ, ମହେନ୍ଦ୍ର ବାଘ ଓ ଖଗପତି ବାଲିପୁଟିଆ ।

କୋରାପୁଟରୁ ସି.ଏଚ୍ ଶାନ୍ତାକାର, ଇଟିଭି ଭାରତ