କୋରାପୁଟ: ଜୟପୁର ସଦର ଏବଂ ବୈପାରିଗୁଡା ଥାନା ଅଞ୍ଚଳରୁ ପୃଥକ ପୃଥକ ଭାବେ ସମୁଦାୟ ଏକ ଟନ ଗଞ୍ଜେଇ ଜବତ । ଜୟପୁର ଏସଡ଼ିପିଓ ବରୁଣ ଗଣ୍ଟପାଲି ଏହି ସୂଚନା ଦେଇଛନ୍ତି । ସେପଟେ ଲମତାପୁଟ ବ୍ଲକରେ 11 କୋଟି ଟଙ୍କା ମୂଲ୍ୟର ଗଞ୍ଜେଇ ଗଛ ନଷ୍ଟକଲା ଅବକାରୀ ବିଭାଗ ।
ଜୟପୁର ସଦର ଥାନା ଅଞ୍ଚଳରେ 409 କିଲୋ ଗଞ୍ଜେଇ ଜବତ ହୋଇଥିବା ବେଳେ 6 ଜଣ ଚାଲାଣକାରୀଙ୍କୁ ଗିରଫ କରାଯାଇଛି । ସେମାନେ ବ୍ୟବହାର କରିଥିବା ଟ୍ରକ ଓ ବୋଲେରୋ ସମେତ 20 ହଜାର ଟଙ୍କା ମଧ୍ୟ ପୋଲିସ ଜବତ କରିଛି । ସେହିପରି ବୈପାରିଗୁଡା ଥାନା ଅଞ୍ଚଳରେ 606 କିଲୋ ଗଞ୍ଜେଇ ସହିତ 3 ଜଣ ବ୍ୟକ୍ତିଙ୍କୁ ଗିରଫ କରାଯାଇଛି । ଜବତ ଗଞ୍ଜେଇକୁ ଅଭିଯୁକ୍ତମାନେ ମାଛକୁଣ୍ଡ ଅଞ୍ଚଳରୁ ବଲାଙ୍ଗୀର ନେଉଥିବା ଜଣାପଡିଛି ।
ସେହିଭଳି ଲମତାପୁଟ ବ୍ଲକରେ 11 କୋଟି ଟଙ୍କା ମୂଲ୍ୟର ଗଞ୍ଜେଇ ଗଛ ନଷ୍ଟକଲା ଅବକାରୀ ବିଭାଗ । ମାଛକୁଣ୍ଡ ଥାନା ଅଞ୍ଚଳରେ ଥିବା ସିକରିଲ, ଜୟନ୍ତଗିରି ଓ ସୁନାପଡା ଗ୍ରାମରେ 93 ଏକର ବ୍ୟାପି ସରକାରୀ ଜମିରେ ଗଞ୍ଜେଇ ଗଛ ଲଗାଯାଇଥିଲା । ନଷ୍ଟ କରାଯାଇଥିବା ଗଞ୍ଜେଇ ଗଛର ଆନୁମାନିକ ମୂଲ୍ୟ 11 କୋଟି ଟଙ୍କା ହେବ ବୋଲି ଅବକାରୀ ବିଭାଗ କହିଛି ।
କୋରାପୁଟରୁ ସି ଏଚ ଶାନ୍ତାକାର, ଇଟିଭି ଭାରତ
