ନିଆଳି: ଜୁଆ ଆଡ୍ଡା ଚାଲିଥିବାବେଳେ ପୋଲିସର ଚଢାଉ । ଘଟଣାରେ 24 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଏହାକୁ ବିରୋଧ କରି ଥାନା ସମ୍ମୁଖରେ ମହିଳାଙ୍କ ପ୍ରତିବାଦ ଦେଖିବାକୁ ମିଳିଛି ।
ଜୁଆଆଡ୍ଡା ଚଢାଉକୁ ନେଇ ମହିଳାଙ୍କ ହାଇଡ୍ରାମା, ପୋଲିସ ସହ କଥା କଟାକଟି
ସୂଚନା ମୁତାବକ ଖୋର୍ଦ୍ଧା ଜିଲ୍ଲା ବାଲିପାଟଣା ଥାନା ରାଜସ୍ବ ଅଞ୍ଚଳରେ ଜୁଆ ଆଡ୍ଡା ଉପରେ ପୋଲିସ ଚଢାଉ କରିଥିଲା । ଚଢାଉ ବେଳେ ଘଟଣାସ୍ଥଳରେ ପୋଲିସ ଓ ସ୍ଥାନୀୟ ଲୋକଙ୍କ ମଧ୍ୟରେ ମୁହାଁମୁହିଁ ହୋଇଥିଲା । ଫଳରେ ବାଲିପାଟଣା ପୋଲିସ ୨୪ ଜଣଙ୍କୁ ଗିରଫ କରି କୋର୍ଟ ଚାଲାଣ ପରେ ଥାନା ପରିସରରେ ମହିଳାଙ୍କ ହାଇଡ୍ରାମା ଦେଖିବାକୁ ମିଳିଛି । ମହିଳାଙ୍କ ଅଭିଯୋଗ ଅନୁଯାୟୀ 'ମୋ ସ୍ବାମୀ ନିର୍ଦ୍ଦୋଷ ପୋଲିସ କାହିଁକି ଗିରଫ କଲା' । ତାଙ୍କ ଗିରଫଦାରୀକୁ ନେଇ ଥାନା ସମ୍ମୁଖରେ ମହିଳାଙ୍କ ପ୍ରତିବାଦ ଦେଖିବାକୁ ମିଳିଛି।
ନିଆଳିରୁ ଉମେଶ ଚନ୍ଦ୍ର ମଲ୍ଲିକ, ଇଟିଭି ଭାରତ
