ଖୋର୍ଦ୍ଧା: ହାତୀ ଆକ୍ରମଣରେ ଜଣେ ମହିଳା ଗୁରୁତର ହୋଇଛନ୍ତି । ଖୋର୍ଦ୍ଧା ଜଙ୍କିଆ ଥାନା ଅନ୍ତର୍ଗତ କାଳୁଚିଆ ପାଟଣା ଗାଁରେ ଘଟିଛି ଏହି ଅଭାନୀୟ ଘଟଣା । ତେବେ ମହିଳା ଜଣକ ରଞ୍ଜନା ସାହୁ ବୋଲି ଜଣାପଡିଛି ।
ସୂଚନା ଅନୁସାରେ ଶୁକ୍ରବାର ସକାଳେ ରଞ୍ଜନା ଘରକାମ କରୁଥିବା ବେଳେ ତାଙ୍କୁ ହାତୀ ଆକ୍ରମଣ କରିଥିଲା । ଗୁରୁତର ଅବସ୍ଥାରେ ରଞ୍ଜନାଙ୍କୁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ବାରମ୍ବାର ହାତୀ ଜନବସତି ମୁହାଁ ହେବାରୁ ବ୍ୟାପକ ଫସଲ ନଷ୍ଟ ହେବା ସହ ଧନଜୀବନ ସୁରକ୍ଷିତ ନୁହେଁ ବୋଲି ସ୍ଥାନୀୟ ଲୋକେ ବନବିଭାଗକୁ ଦାୟୀ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
