ଖୋର୍ଦ୍ଧା: ଜିଲ୍ଲାର ଟାଙ୍ଗୀ ବନ ବିଭାଗ ରେଞ୍ଜ ଇଲାକାରେ ଉପଦ୍ରବ କରୁଛନ୍ତି ୧୭ଟି ଜଙ୍ଗଲୀ ହାତୀ । ବିଶେଷକରି ମଙ୍ଗଳାଯୋଡି ଓ ଏହାର ଆଖପାଖ ଗ୍ରାମରେ ହାତୀମାନେ ଆତଙ୍କ ଖେଳାଇଛନ୍ତି । ମଙ୍ଗଳାଯୋଡି ଗ୍ରାମର ଜଣେ ମହିଳା ବୁଧବାର ରାତିରେ ହାତୀ ଆକ୍ରମଣରେ ପ୍ରାଣ ହରାଇଛନ୍ତି । ମୃତକ ହେଉଛନ୍ତି ଗ୍ରାମର ଅନୁ ପ୍ରଧାନ । ଏହିପରି ଭାବେ ଜଙ୍ଗଲୀ ହାତୀମାନେ ଜନବସତି ମୁହାଁ ହେଉଥିବା ଯୋଗୁଁ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି ।
ବର୍ତ୍ତମାନ ମଙ୍ଗଳାଯୋଡି ଅଞ୍ଚଳରେ ୨ଟି ଜଙ୍ଗଲୀ ହାତୀ ଉପଦ୍ରବ କରୁଛନ୍ତି । ବୁଧବାର ରାତିରେ ଗୋଟିଏ ହାତୀ ହଠାତ୍ ମଙ୍ଗଳାଯୋଡି ଗ୍ରାମକୁ ପଶି ଆସିଥିଲା । ଠିକ୍ ଏହି ସମୟରେ ଉକ୍ତ ମହିଳା ଜଣକ ଘର ମଧ୍ୟରୁ ଭୟରେ ଦୌଡି ପଳାଇ ଯାଉଥିବାବେଳେ ହାତୀଟି ଆକ୍ରମଣ କରିଥିଲା । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
