ଭୁବନେଶ୍ବର: ରାଷ୍ଟ୍ରିୟ ଶିକ୍ଷା ନୀତିର ମୂଳ ଯୋଜନାର ହେଲା ନୂଆ ପାଠ୍ୟକ୍ରମ। ନ୍ୟାସନାଲ କରିକୁଲମ ଫ୍ରେମ୍ ୱାର୍କର ଷ୍ଟିୟରିଂ କମିଟି ପ୍ରସ୍ତୁତ କରିଛି ସିଲାବସ । ଏନେଇ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରତିକ୍ରିୟା ରଖିଛନ୍ତି। ତେବେ ଏନେଇ ସେ କହିଛନ୍ତି ଯେ, ରାଷ୍ଟ୍ରୀୟ ଶିକ୍ଷା ନୀତିର ମୂଳ ଯୋଜନା ନୂଆ ପାଠ୍ୟକ୍ରମ । ତିନି ବର୍ଷ ବୟସରୁ ବାଲ୍ ବାଟିକା ଆରମ୍ଭ ହେବ । ବାଲ ବାଟିକା ତିନି ବର୍ଷ ଏବଂ ଷ୍ଟାଣ୍ଡାର୍ଡ ୧ ଏବଂ ୨ ହେଉଛି ପ୍ରଥମ ପାହାଚ।
ତୃତୀୟ, ଚତୁର୍ଥ ଏବଂ ପଞ୍ଚମ ହେଉଛି ତିନି ବର୍ଷ । ଷଷ୍ଠ, ସପ୍ତମ ଏବଂ ଅଷ୍ଟମ ଆଉ ତିନି ବର୍ଷ। ନବମ, ଦଶମ, ଏକାଦଶ ଏବଂ ଦ୍ଵାଦଶ ହେଉଛି ଚାରିବର୍ଷ । ୫+୩+୩+୪ ଅର୍ଥାତ୍ ୧୫ ବର୍ଷର ପାଠ୍ୟକ୍ରମ ୨୦୨୩-୨୪ରେ ପ୍ରକାଶିତ କରାଯିବ । ପ୍ରଥମ ପାଞ୍ଚ ବର୍ଷର ଟିଚିଂ, ଲର୍ଣ୍ଣିଂ ମ୍ୟାଟେରିଆଲ ଟେକ୍ସଟ ବୁକ ପ୍ରସ୍ତୁତ ହୋଇସାରିଲାଣି। ଏନେଇ ସରସ୍ଵତୀ ପୂଜା ଅର୍ଥାତ ଜାନୁଆରୀ 26 ତାରିଖ ସୁଧା ପ୍ରଥମ 5 ବର୍ଷ ର ବହି ଉପଲବ୍ଧ ହୋଇଯିବ।
ପୁଣି ଚଳିତ ବର୍ଷର ବହି କାମ ଆରମ୍ଭ ହୋଇଛି। ନ୍ୟାସନାଲ କରିକୁଲମ ଫ୍ରେମ୍ ୱାର୍କର ଷ୍ଟିୟରିଂ କମିଟି ସିଲାବସ ପ୍ରସ୍ତୁତ କରିଛି। NCERT ସିଲାବସ ଟେଷ୍ଟ ବୁକ ପ୍ରସ୍ତୁତ କରୁଛି। ଏହାସହ NCERT ଓ ଭାରତ ସରକାର ରାଜ୍ୟ ଗୁଡିକଙ୍କ ସହ ମିଶି ରାଜ୍ୟର NCERTକୁ ଏକାଠି କରିକି ରାଜ୍ୟ ଆଧାରିତ ଟେଷ୍ଟ ବୁକ ବନାଯାଉଛି। ଭାରତୀୟ ଭାଷା, ମାତୃଭାଷା ଓ ସ୍ଥାନୀୟ ଭାଷା କୁ ମହତ୍ଵ ଦିଆଯାଉଛି। ଯାହା ଫଳରେ ପିଲାଙ୍କର ସର୍ବାଙ୍ଗୀନ ବିକାଶ ହୋଇପାରିବ। କିନ୍ତୁ ଶିକ୍ଷା ର ପୂର୍ଣ୍ଣାଙ୍ଗ NEPକୁ ଲାଗୁ କରିବାକୁ ହେଲେ 5 ରୁ 7 ବର୍ଷ ସମୟର ଆବଶ୍ୟକତା ରହିଛି। ଯାହା2022 ଜୁଲାଇ ମାସ ରୁ ଆରମ୍ଭ ହୋଇଛି। କରୋନା କାଳରେ ଆରମ୍ଭ ସମୟରେ ଏହା ଶିଥିଳ ରହିଥିଲା। ଯାହା ଏବେ ପୁଣି ଜୋର ଧରିଛି ।
ତିନି ବର୍ଷ ବୟସରୁ ବାଲ୍ ବାଟିକା ଆରମ୍ଭ ହେବ। ବାଲ ବାଟିକା ତିନି ବର୍ଷ ଏବଂ ଷ୍ଟାଣ୍ଡାର୍ଡ ୧ ଏବଂ ୨ ହେଉଛି ପ୍ରଥମ ପାହାଚ। ତୃତୀୟ, ଚତୁର୍ଥ ଏବଂ ପଞ୍ଚମ ହେଉଛି ତିନି ବର୍ଷ। ଷଷ୍ଠ, ସପ୍ତମ ଏବଂ ଅଷ୍ଟମ ଆଉ ତିନି ବର୍ଷ। ନବମ, ଦଶମ, ଏକାଦଶ ଏବଂ ଦ୍ଵାଦଶ ହେଉଛି ଚାରିବର୍ଷ।
ଇଟିଭି ଭାରତ, ଭୁବନେଶ୍ବର
