ଭୁବନେଶ୍ବର: ଆଜି (ଗୁରୁବାର) ଓଡିଶାରେ ଆରମ୍ଭ ହେବ 5G ସେବା (5G Services in Odisha) । ଭୁବନେଶ୍ୱରରେ ଆୟୋଜିତ ହେବାକୁ ଥିବା ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଉଦଘାଟନ କରିବେ କେନ୍ଦ୍ର ଟେଲିକମ ମନ୍ତ୍ରୀ ଅଶ୍ୱିନୀ ବୈଷ୍ଣବ (Union Minister AshwiniVaishnaw ) । ପ୍ରାଥମିକ ପର୍ଯ୍ୟାୟରେ କେବଳ ଦ୍ବୌତ ନଗରରେ 5G ସେବା ଉପଲବ୍ଧ ହେବ । ପରେ ସହାରାଞ୍ଚଳ ଓ ଧୀରେ ଧୀରେ ସାରା ରାଜ୍ୟର ଗ୍ରାମାଞ୍ଚଳରେ ସେବା ଉପଲବ୍ଧ ହେବ । ଏଥି ପାଇଁ ଆବଶ୍ୟକ ସମସ୍ତ ପ୍ରସ୍ତୁତି ଶେଷ ହୋଇଛି । ପ୍ରାଥମିକ ପର୍ଯ୍ୟାୟରେ ଘରୋଇ ଅପରେଟର ରିଲାଏନ୍ସ ଜିଓ ଏବଂ ଏୟାରଟେଲକୁ ଅନୁମତି ମିଳିଛି ।
ରାଜ୍ୟରେ 5G ସେବା ପାଇଁ ବର୍ତ୍ତମାନ ସୁଦ୍ଧା ୫୧୦ଟି BTS ବା ବେସ ଟ୍ରାନ୍ସିଭର ଷ୍ଟେସନ ଇନଷ୍ଟଲ ହୋଇଛି । 5G ସେବା ମିଳିଲେ ଇଣ୍ଟରନେଟ ଜଗତରେ ବ୍ୟାପକ ପରିବର୍ତ୍ତନ ହେବ । ଶିକ୍ଷା, ସ୍ୱାସ୍ଥ୍ୟ ଓ ବ୍ୟାଙ୍କି, ବିଭିନ୍ନ ସରକାରୀ ବେସରକାରୀ କାର୍ଯ୍ୟାଳୟ, ବିଭିନ୍ନ ସଂସ୍ଥା ଆଦି କ୍ଷେତ୍ରରେ ବଡଧରଣର ପରିବର୍ତ୍ତନ ଆଣିବ ।
