ଖୋର୍ଦ୍ଧା: ଜିଲ୍ଲାର ଦଧିମାଛଗାଡ଼ିଆ ଟାଙ୍ଗେଣୀ ଛକ ନିକଟରେ ଏକ ପଥର ବୋଝେଇ ହାଇୱା ଟ୍ରକ ଓଲଟି ଜଣେ ମୃତ ଓ ଜଣେ ଗୁରୁତର ହୋଇଛନ୍ତି। ଗୁରୁତରଙ୍କୁ ଡାକ୍ତରଖାନାରେ ଭର୍ତ୍ତି କରିବା ସହ ପୋଲିସର ତଦନ୍ତ ଜାରି।
ମଙ୍ଗଳବାର ସକାଳେ ପଥର ବୋଝେଇ ଏକ ହାଇୱା ଟ୍ରକ ଟାଙ୍ଗେଣୀ ନିକଟ ରାସ୍ତାରେ ଖରାପ ହୋଇଥିଲା, ଗଡମାଣିତ୍ରୀ ଗ୍ରାମର ମେକାନିକ ରାମ ସୁନ୍ଦରାୟ ଗାଡିକୁ ଠିକ କରୁଥିଲେ। ଏହି ସମୟରେ କୌଣସି କାରଣବଶତଃ ଟ୍ରକଟି ତାଙ୍କ ଉପରେ ଓଲଟି ପଡିବାରୁ ଘଟଣା ସ୍ଥଳରେ ହିଁ ରାମଙ୍କର ମୃତ୍ୟୁ ହୋଇଥିଲା। ଏଥିରେ ଟ୍ରକ ଚାଳକ ଗୁରୁତର ଆହତ ହୋଇ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ସେପଟେ ଘଟଣା ସମ୍ପର୍କରେ ଖବର ପାଇ ଖୋର୍ଦ୍ଧା ସଦର ଥାନା ପୋଲିସ ପହଁଞ୍ଚି ତଦନ୍ତ ଜାରି ରଖିଛି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ