ଭୁବନେଶ୍ବର: ପୁଲୱାମାରେ ଘଟିଥିବା ଆତଙ୍କବାଦୀଙ୍କ ଗୁଳିରେ ଶହୀଦ ହୋଇଥିବା ବୀର ଓଡ଼ିଆ ଯବାନ ଅଜିତ ସାହୁଙ୍କ ମରଶରୀର ଉପରେ ବିଜେଡି ପତାକା ରଖା ଘଟଣାରେ ଦଳ ନେଇଛି କାର୍ଯ୍ଯାନୁଷ୍ଠାନ ।
ଏହି ଘଟଣାରେ କଟକ ଜିଲ୍ଲାର ବିନୋଦ କୁମାର ମାଝି, ସନ୍ତୋଷ କୁମାର ସାହୁ ଓ ଗୋବର୍ଦ୍ଧନ ଦାସଙ୍କୁ ଦଳରୁ ନିଲମ୍ବିତ କରାଯାଇଛି । ବିଜେଡ଼ି ସାଧାରଣ ସଂପାଦକ ବିଜୟ କୁମାର ନାୟକ ପ୍ରେସ୍ ଇସ୍ତାହାର ମାଧ୍ୟମରେ ସୂଚନା ଦେଇଛନ୍ତି ।
ଢେଙ୍କାନାଳ ଜିଲ୍ଲା କାମାକ୍ଷାନଗର ବଡସୁଆଁଳ ଗ୍ରାମକୁ ଶହୀଦଙ୍କ ପାର୍ଥିବ ଶରୀର ଆସୁଥିବାବେଳେ ବିଜେଡ଼ି ପତାକା ପକାଯାଇଥିଲା । ଯାହାକୁ ବିଭିନ୍ନ ମହଲରୁ ନିନ୍ଦା କରାଯିବା ସହ କାର୍ଯ୍ୟାନୁଷ୍ଠାନ ଦାବି କରାଯାଇଥିଲା । ଏହାପରେ ବିଜେଡ଼ି ଘଟଣାର ତର୍ଜମା କରି ତିନି ନେତାଙ୍କୁ ଦଳରୁ ନିଲମ୍ବିତ କରିଥିବା କହିଛି ।
ଭୁବନେଶ୍ବରରୁ ଅଜିତ ଦାଶ, ଇଟିଭି ଭାରତ
