ଖୋର୍ଦ୍ଧା : ପ୍ରେତାତ୍ମା କହୁଛି ମୃତ୍ୟୁ ରହସ୍ୟ ଭିଡ଼ିଓ ଭାଇରଲ । ଖୋର୍ଦ୍ଧାରେ ନିତୁ ରଣାଙ୍କ ରହସ୍ୟ ଜନକ ମୃତ୍ୟୁ କିପରି ଘଟିଲା ସେ ସମ୍ପର୍କରେ ତଥ୍ୟ ଦେଉଛି ପ୍ରେତାତ୍ମା । ଘଟଣା ଅବିଶ୍ବାସ ଲାଗିଲେ ବି ସତ ବୋଲି କହୁଛନ୍ତି ଗ୍ରାମବାସୀ ।
ସୂଚନା ଅନୁଯାୟୀ ଗତ ଜୁନ ୨୫ ତାରିଖରେ ଖୋର୍ଦ୍ଧା ଜରିପୁଟ ସ୍ଥିତ ସ୍କୁଲ କୂଅରୁ ଖୋର୍ଦ୍ଧା ମହିଳା ମହାବିଦ୍ୟାଳୟର ଦ୍ଵିତୀୟ ବର୍ଷର ଛାତ୍ରୀ ନୀତୁ ରଣାଙ୍କ ନିଖୋଜ ହୋଇଥିଲେ । ଏହାର ୨ ଦିନ ପରେ ତାଙ୍କର ମୃତ ଦେହ ଉଦ୍ଧାର କରାଯାଇଥିଲା । ଏବେ ତାଙ୍କ ମୃତ୍ୟୁକୁ ନେଇ ଅନେକ କଥା ଗ୍ରାମରେ ଶୁଣିବାକୁ ମିଳୁଛି । ତାଙ୍କ ମୃତ୍ୟୁ ଆତ୍ମହତ୍ୟା ନା ହତ୍ୟା ତାହା କେବଳ ମୃତଦେହ ବ୍ୟବଛେଦ ରିପୋର୍ଟ ଆସିଲେ ହିଁ ଜଣାପଡ଼ିବ ବୋଲି ଜଣେ ପୋଲିସ ଅଧିକାରୀ କହିଛନ୍ତି । ତେବେ ତାଙ୍କ ଆତ୍ମା ଗାଁରେ ଜଣେ ଯୁବତୀଙ୍କ ଠାରେ ସବାର ହୋଇ ନିତୁଙ୍କ ମୃତ୍ୟୁ ରହସ୍ୟ କହୁଥିବା ଭିଡ଼ିଓ ଏବେ ସୋସିଆଲ ମିଡିଆରେ ଭାଇରଲ ହେଉଛି । ଯାହା ଏବେ ଗାଁରେ ଚର୍ଚ୍ଚାର ବିଷୟ ପାଲଟିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
