ଖୋର୍ଦ୍ଧା: ଋତୁଚକ୍ର ପରିବର୍ତ୍ତନର ତାଳେ ତାଳେ ବଦଳିଥାଏ ପ୍ରକୃତିକ ଚିତ୍ର । ଆଉ ଏହା ପ୍ରାକୃତିକ ସୌନ୍ଦର୍ଯ୍ୟକୁ ଦ୍ବିଗୁଣିତ କରିଦିଏ । ଆସି ଯାଇଛି ପାର୍ବଣ ଋତୁ । ଦିନ କେଇଟା ପରେ ଶାରଦୀୟ ଦୁର୍ଗା ପୁଜା, ଆଉ ମା’ଙ୍କୁ ସତେ ଯେପରି ଚାମର ହଲାଇ ଡାକୁଛି କାଶତଣ୍ଡୀ ଫୁଲ ।
ଶରତ ଋତୁର ଆଗମନରେ ଗ୍ରାମାଞ୍ଚଳର ବିଲବାଡିରେ ଦେଖିବାକୁ ମିଳିଥାଏ କାଶତଣ୍ଡୀ ଫୁଲର ସମ୍ଭାର । ସକାଳର ସୁଲୁସୁଲିଆ ପବନରେ ଦୋହଲୁଥିବା ଏହି ଫୁଲ ସତେଯେପରି ସମୁଦ୍ର ଲହଡ଼ି ସଦୃଶ ପ୍ରତୀୟମାନ ହୋଇ ପ୍ରକୃତି ରାଣୀର ସୌନ୍ଦଯ୍ୟ ଶୋଭା ବହନ କରୁଛି । ତାର ବାସ୍ନା ନାହିଁ ସତ ହେଲେ ତାର ଶୁଭ୍ର ରୁପ ଚହଲାଇ ଦିଏ ତନମନକୁ । ଧଳାରଙ୍ଗର ଏହି କାଶତଣ୍ଡୀ ଫୁଲର ସମ୍ଭାର ପ୍ରକୃତିପ୍ରେମୀଙ୍କୁ ଆକୃଷ୍ଟ କରିଥାଏ । ରାସ୍ତାରେ ଗଲାବେଳେ କାଶତଣ୍ଡୀ ଫୁଲକୁ ଦେଖି ଯେ କେହି ଆନମନା ହେବା ସହ ସେଲ୍ଫି ନେବାର ମଜା ଉଠାଇଥାନ୍ତି ।
ପାର୍ବଣ ଋତୁରେ ମହିଶାମର୍ଦ୍ଦିନୀ ମା’ ଦୁର୍ଗାଙ୍କ ଆବିର୍ଭାବ ପୂର୍ବରୁ ଶାନ୍ତିର ପ୍ରତୀକ ଭାବେ ଏହି କାଶତଣ୍ଡୀ ଫୁଲ ଧରାପୃଷ୍ଟରେ ମା’ଙ୍କୁ ସ୍ବାଗତ ଜଣାଇବା ଲାଗି ପ୍ରଷ୍ଫୁଟିତ ହୋଇଥାଏ । ମା ଙ୍କ ମେଲାଣି ପରେ କାଶତଣ୍ଡୀ ଫୁଲ ଦୁଖଃ ରେ ମୌଳିଯାଏ ବୋଲି ପୌରାଣିକ ମତ ରହିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
