ଖୋର୍ଦ୍ଧା: ଜିଲ୍ଲା ଉପଖଣ୍ଡରେ ବ୍ୟକ୍ତିଗତ ଓ ଗୋଷ୍ଠୀ କୋରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏହାକୁ ଦୃଷ୍ଟିରେ ରଖି ଉପଖଣ୍ଡରେ ଥିବା ସମସ୍ତ ଫାଷ୍ଟଫୁଡ଼, ଗୁପଚୁପ, ଜଳଖିଆ,ଦହିବାର ଆଲୁଦମ, ଚାଟ ଆଦି ବ୍ୟବସାୟ କରୁଥିବା ବ୍ୟବସାୟୀ ମାନଙ୍କୁ ଜିଲ୍ଲା ପ୍ରଶାସନର କଡା ତାଗିଦ।
କୋଭିଡ ନିୟମକୁ କଡାକଡି ପାଳନ କରି ବ୍ୟବସାୟ କରିବାକୁ ନିର୍ଦ୍ଦେଶ ଦିଆଯାଇଛି । ବ୍ୟବସାୟୀ ମାନେ ମାସ୍କ ପିନ୍ଧିବା ସହ ସାମାଜିକ ଦୂରତା ମାନିବା ଏବଂ ଗ୍ରାହକଙ୍କୁ କେବଳ ପାର୍ସଲ ଜରିଆରେ ଖାଦ୍ୟ ଦେବାକୁ ନିର୍ଦ୍ଦେଶ ଦେଇଛନ୍ତି ଖୋର୍ଦ୍ଧା ଉପଜିଲ୍ଲାପାଳ ।
ଏହି ନିର୍ଦ୍ଦେଶକୁ ଅବମାନନା କଲେ ସମ୍ପୃକ୍ତ ବ୍ୟବସାୟୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲା ପ୍ରଶାସନ ଜଣାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
