ଭୁବନେଶ୍ବର: ଶିକ୍ଷକ ଆନ୍ଦୋଳନକୁ ନେଇ ସରକାରଙ୍କୁ ଘେରିଛନ୍ତି ବିରୋଧୀ କଂଗ୍ରେସ ଓ ବିଜେପି । ବାଚସ୍ପତିଙ୍କ ରୁଲିଂ ଦାବି କରି ବିକ୍ଷୋଭ କରିଛନ୍ତି ବିରୋଧୀ । ଶିକ୍ଷକଙ୍କ ଆନ୍ଦୋଳନ ପ୍ରତି ସ୍ୱତନ୍ତ୍ର ଧ୍ୟାନ ଦେବାକୁ ବାଚସ୍ପତି ରୁଲିଂ । ସେପଟେ ଜବାବ ଦେଲା ବିଜେଡି ।
ଏହାବି ପଢନ୍ତୁ- Raid Impact: ଆସନ୍ତାକାଲି ୧୨ ଘଣ୍ଟିଆ ପଦ୍ମପୁର ବନ୍ଦ ଡାକରା
ଶିକ୍ଷକଙ୍କ ଆନ୍ଦୋଳନକୁ ନେଇ ହୁଲୁସ୍ତୁଲ ବିଧାନସଭାର ଶୀତକାଳୀନ ଅଧିବେଶନର ଚତୁର୍ଥ ଦିନ (Odisha Assembly winter session) । ପ୍ରଶ୍ନକାଳ ଆରମ୍ଭରୁ ଗୃହ ମଧ୍ୟରେ ପ୍ରବେଶ କରି ବିକ୍ଷୋଭ ପ୍ରଦର୍ଶନ କରିଛନ୍ତି ବିରୋଧୀ ବିଜେପି ଓ କଂଗ୍ରେସ ବିଧାୟକ । ବାଧ୍ୟ ହୋଇ ପ୍ରଶ୍ନକାଳକୁ ମୁଲତବୀ ଘୋଷଣା କରିଥିଲେ ବାଚସ୍ପତି । ବିରୋଧୀ କଂଗ୍ରେସ ଅଭିଯୋଗ କରିଛି ଯେ, ରାଜରାସ୍ତାରେ ଶୀତ ରାତିରେ ଶୋଉଛନ୍ତି । କିନ୍ତୁ ଦୁଃଖର ବିଷୟ ସରକାର କିମ୍ବା ଶିକ୍ଷା ମନ୍ତ୍ରୀ ତାଙ୍କ ପାଖକୁ ଯାଇ ଆଲୋଚନା କରୁନାହାନ୍ତି । ଶିକ୍ଷକଙ୍କ ଦାବି କେତେ ଯଥାର୍ଥ ତାହା ପର କଥା । କିନ୍ତୁ ତୁରନ୍ତ ସରକାର ତାଙ୍କ ସହିତ ଆଲୋଚନା କରନ୍ତୁ । ଲକ୍ଷାଧିକ ଶିକ୍ଷକ ଆନ୍ଦୋଳନରେ ଥିବାରୁ ସ୍କୁଲରେ ପାଠ ପଢା ପ୍ରଭାବିତ ହେବା ସହ ରାଜଧାନୀରେ ଗମନାଗମନ ପ୍ରଭାବିତ ହେଉଛି । ଏପରିକି ଭିଡରେ ଆମ୍ବୁଲାନ୍ସ ଫସି ରହୁଥିବା ଅଭିଯୋଗ କରିଛନ୍ତି ବିରୋଧୀ । କେବଳ ଶିକ୍ଷକ ନୁହଁନ୍ତି ଅନେକ ଲୋକ ସେଠି ଧାରଣାରେ ବସିଛନ୍ତି । ସରକାର ତୁରନ୍ତ ସେମାନଙ୍କ ସହ ଆଲୋଚନା କରନ୍ତୁ ବୋଲି ଦାବି କରିଛନ୍ତି ବିରୋଧୀ ।
ଏହାବି ପଢନ୍ତୁ- ଗାନ୍ଧୀମାର୍ଗରେ ମୀନାବଜାର ! ଏପଟେ ଧାରଣା ସେପଟେ କିଣାବିକା
କଂଗ୍ରେସକୁ ସମର୍ଥନ କରିଛି ବିଜେପି । ରାଜ୍ୟର ସ୍ୱାର୍ଥ ଶିକ୍ଷକ ଆନ୍ଦୋଳନ ଚାଲିଛି । ଶିକ୍ଷକ ଆନ୍ଦୋଳନ ପ୍ରସଙ୍ଗ ଉଠାଇ ଶିକ୍ଷା ମନ୍ତ୍ରୀଙ୍କ ଅନୁପସ୍ଥିତିକୁ ସମାଲୋଚନା କଲେ ମୋହନ । ଗାନ୍ଧୀ ମାର୍ଗରେ ଶିକ୍ଷକ ବସିଥିବାବେଳେ ପଦ୍ମପୁରରେ ଶିକ୍ଷା ମନ୍ତ୍ରୀ ପ୍ରଚାରରେ ମାତିଛନ୍ତି ବୋଲି କହିଛନ୍ତି ମୋହନ । ସେପଟେ ସରକାରଙ୍କ ପକ୍ଷ ରଖିଛନ୍ତି ବରିଷ୍ଠ ବିଜେଡି ବିଧାୟକ ଅମର ଶତପଥୀ । ନବୀନ ପଟ୍ଟନାୟକଙ୍କ ସରକାର ଶିକ୍ଷକଙ୍କ ଉପରେ ଅନେକ ଗୁଡିଏ ନିଷ୍ପତ୍ତି ନେଇଛନ୍ତି । ଏପରିକି ଠିକା ନିଯୁକ୍ତିକୁ ଉଚ୍ଛେଦ କରାଯାଇଛି । ଶିକ୍ଷକ ମାନେ ହିଁ ଏହାକୁ ଐତିହାସିକ ନିଷ୍ପତ୍ତି କହିଛନ୍ତି । କିଛି ଶିକ୍ଷକ ଏଥିରେ ବାଦ ପଡିଛନ୍ତି, ତାକୁ ମଧ୍ୟ ବିଚାରକୁ ନିଆଯିବ ବୋଲି କହିଛନ୍ତି ଅମର । ରୁଲିଂ ଦାବି ବିରୋଧୀ ସଦସ୍ୟ ବିକ୍ଷୋଭ କରିବାରୁ ସର୍ବଦଳୀୟ ବୈଠକ ଡାକି ଆଲୋଚନା କରିଛନ୍ତି ବାଚସ୍ପତି । ସରକାର ଶିକ୍ଷକଙ୍କ ଆନ୍ଦୋଳନ ପ୍ରତି ସ୍ୱତନ୍ତ୍ର ଧ୍ୟାନ ଦେବାକୁ ବାଚସ୍ପତି ରୁଲିଂ ଦେଇଛନ୍ତି ।
ଏହାବି ପଢନ୍ତୁ- Assembly News: ଅର୍ଚ୍ଚନା ସେକ୍ସ ସ୍କାଣ୍ଡଲକୁ ନେଇ ଗୃହ ସରଗରମ, ଜବାବ ରଖିଲେ ଗୃହ ରାଷ୍ଟ୍ରମନ୍ତ୍ରୀ
ମିଳିତ ପ୍ରାଥମିକ ଶିକ୍ଷକ ସଂଘ 3 ଦଫା ଦାବି ନେଇ ରାଜରାସ୍ତାକୁ ଓହ୍ଲାଇଛି । ପାଖାପାଖି 2 ଲକ୍ଷ ଶିକ୍ଷକ ଭୁବନେଶ୍ୱରରେ ବିକ୍ଷୋଭ କରୁଛନ୍ତି । ତେବେ ଦେଖିବାକୁ ବାକି ରହିଲା ସରକାରଙ୍କ ପକ୍ଷରୁ କେବେ ଓ କିଏ ଶିକ୍ଷକଙ୍କ ସହ ଆଲୋଚନା କରି କଣ ପଦକ୍ଷେପ ନେଉଛନ୍ତି ।
ଇଟିଭି ଭାରତ, ଭୁବନେଶ୍ବର
