ଖୋର୍ଦ୍ଧା: ଗ୍ରାମାଞ୍ଚଳ ଲୋକଙ୍କ ଗମନାଗମନର ସୁବିଧା ପାଇଁ ପାଣି ଭଳି ଟଙ୍କା ଖର୍ଚ୍ଚ କରୁଛନ୍ତି ଉଭୟ କେନ୍ଦ୍ର ଏବଂ ରାଜ୍ୟ ସରକାର । କିନ୍ତୁ ବିଭାଗୀୟ ଅଧିକାରୀଙ୍କ ଦୂରଦୃଷ୍ଟି ଅଭାବରୁ ଲୋକେ ପୂର୍ବ ସମସ୍ୟାରୁ ଉଦ୍ଧାର ପାଇପାରୁନଥିବା ଅଭିଯୋଗ ହୋଇଛି ।
କେଉଁଠି ରାସ୍ତା ଉପରେ ଆଣ୍ଠୁଏ ପାଣି ଜମିଛି ତ ଆଉ କୋଉଁଠି ରାସ୍ତା ମରାମତିକୁ ବର୍ଷେ ନପୁରୁଣୁ ଖରାପ ହେଉଥିବା ଅଭିଯୋଗ ହେଉଛି । ଖୋର୍ଦ୍ଧା ଜିଲ୍ଲା ବେଗୁନିଆ ଓ ବୋଲଗଡ଼ର ବିଭିନ୍ନ ଅଞ୍ଚଳରେ ଗ୍ରାମ୍ୟ ଉନ୍ନୟନ ବିଭାଗର ଯନ୍ତ୍ରୀ ଓ ଠିକାଦାରଙ୍କ ମଧୁଚନ୍ଦ୍ରିକା ପାଇଁ ରାସ୍ତା ଅବସ୍ଥା ଏପରି ଥିବା କହିଛନ୍ତି ସ୍ଥାନୀୟ ଲୋକ । ସେପଟେ ଗ୍ରାମାଞ୍ଚଳ ରାସ୍ତାର ବିକାଶ ପାଇଁ କେନ୍ଦ୍ର ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି । ତଥାପି କେଉଁଠି ସମସ୍ୟା ରହୁଛି ତାହାର ତର୍ଜମା କରାଯିବ ବୋଲି କହିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ।
ସେହିଭଳି ଗ୍ରାମ୍ୟ ଉନ୍ନୟନ ବିଭାଗ ରାସ୍ତା ଅବସ୍ଥା ବିଭିନ୍ନ ସ୍ଥାନରେ ଖରାପ ରହିଛି । ତେଣୁ ଏହାର ଶୀଘ୍ର ମତାମତି କରାଯିବ ବୋଲି ବେଗୁନିଆ ବିଧାୟକ ରାଜେନ୍ଦ୍ର ସାହୁ କହିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
