ଖୋର୍ଦ୍ଧା: ରାସ୍ତାରେ ବଡ ବଡ ଖାଲ, ଆଣ୍ଠୁଏ ଲେଖାଏଁ ପାଣି । ଯାତାୟାତରେ ଉପୁଜୁଛି ନାନା ସମସ୍ୟା । ଏହା କେଉଁ ଉପାନ୍ତ ଅଞ୍ଚଳର କଥା ନୁହେଁ ବରଂ ରାଜ୍ୟର ଏକ ନମ୍ବର ଜିଲ୍ଲା ଖୋର୍ଦ୍ଧାର ବାସ୍ତବ ଚିତ୍ର । ସହରର ନୂଆ ବସଷ୍ଟାଣ୍ଡ ଠାରୁ ଚଣ୍ଡୀ ଚୁଆ ପର୍ଯ୍ୟନ୍ତ ଯାଇଥିବା ରାସ୍ତା ଏବେ ସାଧାରଣ ଲୋକଙ୍କ ପାଇଁ ପାଲଟିଛି ମରଣଜନ୍ତା ।
ଖୋର୍ଦ୍ଧା ମୁଖ୍ୟ ରାସ୍ତାରେ ବଡ ବଡ ଗର୍ତ୍ତ, ହନ୍ତସନ୍ତ ଲୋକେ
ମରାମତି ଅଭାବରୁ ରାସ୍ତାରେ ସୃଷ୍ଟି ହୋଇଛି ବଡ଼ ବଡ଼ ଖାଲ ଯାହା ଯାତାୟତରେ ସୃଷ୍ଟି କରୁଛି ସମସ୍ୟା । ସେହିପରି ଏହି ରାସ୍ତା ଖୋର୍ଦ୍ଧା ମେଡିକାଲକୁ ସଂଯୋଗ କରୁଥିବା ବେଳେ ଆମ୍ବୁଲାନ୍ସରେ ରୋଗୀ ମଧ୍ୟ ବହୁ ସମସ୍ୟା ଦେଇ ଯାଉଥିବା ଦେଖିବାକୁ ମିଳିଛି ।
ଘଟଣାକୁ ନେଇ ଆମ ଟିମ୍ ଖୋର୍ଦ୍ଧା ପୂର୍ତ୍ତ ବିଭାଗ ନିର୍ବାହୀ ଯନ୍ତ୍ରୀଙ୍କୁ ଯୋଗାଯୋଗ କରିଥିଲେ। କିନ୍ତୁ ସେ କ୍ୟାମେରା ସାମ୍ନାରେ କିଛି କହିବାକୁ ମନା କରି ଦେଇଥିଲେ । ହେଲେ ତୁରନ୍ତ ଏହାର ସମାଧାନ କରିବା ପାଇଁ ପ୍ରତିଶ୍ରୁତି ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା,ଇଟିଭି ଭାରତ
