ଭୁବନେଶ୍ୱର: ଚନ୍ଦ୍ରଯାନ-3ର ସଫଳ ଲ୍ୟାଣ୍ଡିଂ ପରେ ମସଜିଦରେ ସମୂହ ନମାଜ ପାଠ କରିଛନ୍ତି ମୁସଲମାନ ସମ୍ପ୍ରଦାୟ । ଭୁବନେଶ୍ବରର ୟୁନିଟ ୪ ସ୍ଥିତ ଜୁମା ମସଜିଦରେ ଚନ୍ଦ୍ରଯାନର ଅବତରଣ ପାଇଁ ସଫଳତା କାମନା କରାଯାଇଥିଲା । ବିଜ୍ଞାନ କ୍ଷେତ୍ରରେ ଇତିହାସ ରଚିବା ଦିଗରେ ଭାରତ ଆଗେଇ ଚାଲିଥିବାବେଳେ ଚନ୍ଦ୍ରଯାନ-3ର ଲ୍ୟାଣ୍ଡର ବିକ୍ରମ ଆଜି ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିବ । ଚନ୍ଦ୍ରଯାନ-3ର ଏହି ଅବତରଣ ପାଇଁ କାଶ୍ମୀରଠାରୁ ଆରମ୍ଭ କରି କନ୍ୟାକୁମାରୀ ପର୍ଯ୍ୟନ୍ତ ସବୁଠି ଚାଲିଛି ପୂଜାର୍ଚ୍ଚନା । ଆଉ ଭାରତ ଇତିହାସ ରଚିବା ଅପେକ୍ଷାରେ ରହିଛନ୍ତି ପ୍ରତିଟି ଭାରତୀୟ । ଏନେଇ ଦେଶବାସୀଙ୍କ ମନରେ ଉତ୍ସାହର ମାହୋଲ ରହିଥିଲାବେଳେ ଭାରତର ସଫଳତା କାମନା କରି ସମସ୍ତେ ନମାଜ ପାଠ କରିଥିବା ଦେଖାଯାଇଥିଲା ।
ଏହା ମଧ୍ୟ ପଢନ୍ତୁ...ଚନ୍ଦ୍ରଯାନ-୩ର ସଫଳତା କାମନା କଲେ ଜଗଦଗୁରୁ ଶଙ୍କରାଚାର୍ଯ୍ୟ
ତେବେ ରାଜଧାନୀ ଭୁବନେଶ୍ବରରେ ମଧ୍ୟ ବିଭିନ୍ନ ସ୍ଥାନରେ ପୂଜାର୍ଚ୍ଚନା କରାଯାଉଛି । ହିନ୍ଦୁ ସମ୍ପ୍ରଦାୟର ଲୋକେ ମନ୍ଦିରକୁ ଯାଇ ଭଗବାନଙ୍କ ନିକଟରେ ପୂଜାର୍ଚ୍ଚନା କରିଥିବାବେଳେ ମୁସଲମାନ ସମ୍ପ୍ରଦାୟର ଲୋକେ ମଧ୍ୟ ମସଜିଦରେ ସମୂହ ନମାଜ ପାଠ କରିଥିବା ଦେଖିବାକୁ ମିଳିଥିଲା । ଦେଶର ଏହି ଐତିହାସିକ ମୁହୂର୍ତ୍ତକୁ ସମସ୍ତେ ଅପେକ୍ଷା କରି ରହିଥିଲେ । ଜାତି, ଧର୍ମ, ବର୍ଣ୍ଣ ନିର୍ବିଶେଷରେ ପ୍ରତିଟି ଭାରତୀୟଙ୍କ ମଧ୍ୟରେ ଦେଶର ସଫଳତା ପାଇଁ ରହିଥିଲା ଉତ୍ସାହ । ସବୁ ବର୍ଗ ଓ ସବୁ ଧର୍ମର ଲୋକେ ପ୍ରଭୁଙ୍କୁ ଆରଧନା କରି ଚନ୍ଦ୍ରଯାନ-3ର ସଫଳ ଅବତରଣ କାମନା କରିଥିଲେ ।
ଭାରତ ଭଳି ସାର୍ବଭୌମ ଓ ଆଧ୍ୟାତ୍ମିକତା ରାଷ୍ଟ୍ରରେ ସବୁ ଧର୍ମାବଲମ୍ବୀ ଚନ୍ଦ୍ରଜାନ-3 ର ସଫଳ ଅବତରଣକୁ ନେଇ ଈଶ୍ଵରଙ୍କ ପ୍ରାର୍ଥନା କରୁଥିବାବେଳେ ଭୁବନେଶ୍ୱରର ୟୁନିଟ-୪ ସ୍ଥିତ ଜୁମା ମସଜିଦରେ ନମାଜ ପାଠ ସହ ଆଲ୍ଲାଙ୍କୁ ଆରାଧନା କରିଛନ୍ତି ମୁସଲମାନ ସମ୍ପ୍ରଦାୟର ଲୋକେ । ସମସ୍ତ ମୁସଲମାନ ଧର୍ମାବଲମ୍ବୀ ଅଖଣ୍ଡ ଭାରତର ଏହି ସ୍ୱର୍ଣ୍ଣିମ ଇତିହାସର ପୃଷ୍ଠାକୁ ବଳିଷ୍ଠ ଓ ସଫଳ କରିବା ପାଇଁ ଏକସ୍ୱରରେ ଆଲ୍ଲାଙ୍କୁ ଡାକିଛନ୍ତି । ସେହିପରି ହିନ୍ଦୁ ଏବଂ ଅନ୍ଯାନ୍ୟ ଧର୍ମାବଲମ୍ବୀ ପ୍ରଭୁଙ୍କ ପାଖରେ ଚନ୍ଦ୍ରଯାନ-3ର ସଫଳତା କାମନା କରିଛନ୍ତି । ଏହାସହ ରାଜଧାନୀ ଭୁବନେଶ୍ବର ସମେତ ବିଭିନ୍ନ ସ୍କୁଲର ଛାତ୍ରଛାତ୍ରୀମାନେ ମଧ୍ୟ ହାତରେ ପତାକା ଧରି 'ଭାରତ ମାତା କି ଜୟ' ନାରା ଦେଇ ଦେଶର ସଫଳତା କାମନା କରିଥିବା ଦେଖିବାକୁ ମିଳିଛି । ତେବେ ଏହି ମିଶନ ସଫଳ ହେଲେ ସମସ୍ତ ଦେଶକୁ ପଛରେ ପକାଇ ଭାରତ ଇତିହାସ ରଚିବ ।
ଇଟିଭି ଭାରତ, ଭୁବନେଶ୍ବର
